27 Nëntor 2020

Mjekët e QKUK-së bëjnë mrekulli, shpëtojn një 17 vjeçar

Prishtinë, 17 mars - Një operacion i suksesshëm është kryer të enjten e kaluar në sallën operative të Qendrës Emergjente të Qendrës Klinike Universitare të Kosovës( QKUK).

 

Zëdhënësi i QKUK-së Shpend Falziu ka thënë së bëhet fjalë për një intervenimi kirurgjik, pas lëndimit të zemrës me mjet të mprehtë.

 

Ai tha se pacienti me sukses po rikuperohet dhe ende është i shtrirë në kuadër të Repartit të Kirurgjisë Torakale, por ka tejkaluar rrezikun.

Pacienti Ilir Islami (1993) ka kërkuar ndihmën mjekësore të enjten më 11.03.2010, pas  një zënke me mjet të mprehtë.



"Ai fillimisht ka marrë  ndihmën mjekësore adekuate në qendrën Emergjente në Ferizaj, kurse  diku rreth  orës 15:00 në gjendje shumë të rëndë sjellët në Qendrën Emergjente të QKUK-së. Pas diagnostikimit të shpejtë dhe të suksesshëm  nga ekipi i mjekëve nga Qendra Emergjente,  menjëherë veprojnë kirurgët e ekipit kujdestar", ka theksuar Fazliu.
 
Me hapjen e kraharorit, shihet zemra  e cila ishte e lënduar  dhe nuk punonte më, gjaku ishte grumbulluar në mbështjellëset e zemrës (perikard) dhe zemra nuk kishte mundësi të punonte.  U hap me kujdes perikardi, ku më pas  lirohet një pjesë e gjakut dhe zemra fillon të punojë. Pastaj shihet vendi i lëndimit dhe mbyllet me gisht deri sa bëhet mbyllja e defektit në zemër (barkushja e djathtë) me 4 sutura. Më pastaj, bëhet edhe  hapja e gjerë e perikardit.  Gjatë kësaj kohe ekipi i anesteziologjisë kujdesej për gjendjen e pacientit dhe me sukses e bënte kompensimin e gjakut të humbur.

Ekipi i mjekëve përbëhej nga :

Dr. Frederik Çuperjani- Kirurg torakal

Ass.dr.Eshref Osmani – Kirurg vaskular

Dr.Burim Ukperaj

Dr. Halit Tanaj – Kirurg

Anesteziologë: Dr. Tyrkan Karabegler, dr.Ismet Berisha

Ekipi i Qendrës Emergjente :Dr. Musli Gashi, Dr. Adem Jaha, Dr. Avdush Bajgora

Ekipi mbështetës:
Vlora  Haxha- instrumentare
badete Sefa- instrumentare

Elmir cakolli- infermier

Valon Lugaliu- infermier

Kalendari

Ngjarjet e datës 27 Nëntor 2020

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën nga Malcolm Simmons, ish kryetar i Asamblese së Gjyqtarëve të EULEX-it, përfaqësuar sipas autorizimit nga dr. Artan Qerkini, avokat. (Ndertesa e Kuvendit, salla N302, ora 9:30)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 10:00)

- Instituti për Politika Zhvillimore mban konferencë për media me temë “Promovimi i efiçiencës së energjisë dhe burimeve të ripërtëritshme në Kosovë”. (Hotel Sirius, ora 10:00)

- Ministri i Infrastrukturës, Arban Abrashi, merr pjesë në nisjen e asfaltimit të zgjerimit të llotit të 4 të rrugës Podujevë - Prishtinë, gjegjësisht në fshatin Llugë. (Rruga Podujevë - Prishtinë, fshati Llugë, ora 11:00)

- Kryeministri Avdullah Hoti merr pjesë në shënimin e Ditës së Forcës së Sigurisë së Kosovës. (Kazerma Adem Jashari në Prishtinë, ora 12:00)

- Ministria e Mbrojtjes organizon ceremoninë e shënimit të Ditës së Forcës. (Ambientet e kazermës “Adem Jashari” në Prishtinë, ora 12:00)

- Aleanca Kosovare e Bizneseve  Kryeministri Avdullah Hoti do e përcjellin realizimin e eksportit të produkteve kosovare në Serbi e që lidhet me marrveshëjen në Shtëpinë e Bardhë në Washington për bashkëpunim ekonomik Kosovë - Serbi e cila pason me një marrëveshje mes dy operatorëve ekonomik. (Objekti i Agrokosova Holiding në zona industriale - Shirokë, Suharekë, ora 14:00)

- Kryeministri Avdullah Hoti në kuadër të Javës së Biznesit Kosovar 2020, viziton Verarinë ‘’Agro Kosova Holding ’’ në Suharekë. (Veraria ‘’Agro Kosova Holding ’’, Suharekë, ora 14:00)

 

- Partia Demokratike e Kosovës, Dega në Podujevë, bën sot përmbylljen e fushatës zgjedhore përmes një konference për media. (Restorant “Artela”, ora 14:00)