25 Shkurt 2021

Memorandum bashkëpunimi mes MSH dhe “Project HOPE”

Prishtinë, 22 prill - Ministri i Shëndetësisë i Republikës së Kosovës, Bujar Bukoshi, priti sot përfaqësues të lartë të organizatës amerikane “Project HOPE”, me seli në Virxhinia të Shteteve të Bashkuara të Amerikës.

Në këtë takim, në të cilin delegacioni i “Project HOPE” (PH), kryesohej nga drejtori i Programeve të Projektit, Scott Crawford, ministri Bukoshi ka theksuar gatishmërinë për bashkëpunim të ngushtë midis Ministrisë së Shëndetësisë dhe kësaj organizate, bazuar në Memorandumin e Bashkëpunimit midis MSH dhe “Project Hope”, të nënshkruar muajin e kaluar.

Me këtë Memorandum bashkëpunimi, MSh dhe PH janë pajtuar që të ofrojnë transportin dhe shërbimet e asistencës humanitare në formë të dhurimit të donacioneve farmaceutike dhe pajisjeve medicinale për shëndetësinë kosovare.

Pas takimit me ministrin, përfaqësuesit e Project Hope, në delegacionin e të cilit ishte edhe Katerina Takovska, drejtoreshë e Zyrës së këtij projekti në Shkup dhe menaxheri i programit Dalibor Tasevksi , kanë biseduar me anëtarë të kabinetit të Ministrit Bukoshi dhe përfaqësues të departamenteve të tjera për mënyrat e realizimit të marrëveshjes midis MSH-së dhe PH-së.
 
 

Kalendari

Ngjarjet e datës 25 Shkurt 2021

- Projekti “Përkrahje e BE për Konkurrueshmërinë e Sektorit Kosovar të TIK”, financuar nga BE dhe implementuar nga WEglobal në konsorcium me Prishtina REA dhe në bashkëpunim me Ministrinë e Ekonomisë dhe Ambientit, organizon ceremoninë e certifikimit për rundin e parë të programit trajnues për shkathtësi digjitale dhe të TIK. (Hotel Amazona në Milloshevë, ora 9:45)

- Mbahet mbledhja e dytë e rregullt për vitin 2021 të Kuvendit Komunal të Prizrenit. (Salla për mbledhjet e Kuvendit të Komunës, tek “Shtëpia e Bardhë”, ora 10:00)

-  Mbahet mbledhja e dytë e rregullt për vitin 2021 e Kuvendit të Komunës së Prizrenit. (Salla për mbledhjet e Kuvendit në Shtëpinë e Bardhë, ora 10:00)

- Rrjeti i Pajtimit KOMRA (RrPK) prezanton rezultatet e hulumtimit të vendeve të paraburgosjes në Bosnje dhe Hercegovinë dhe të personave të zhdukur në lidhje me luftën në Kosovë. Pjesëmarrës Natasha Kandiq, Bekim Blakaj etj. (Zoom, ora 11:00)

- Mbahet dëgjimi publik në lidhje me raportin e vlerësimit të ndikimit në mjedis për ndërtimin e hidrocentralit “EcoDri” në lumin Drini i Bardhë. (Restorant “Ura” në Dobrushtë, ora 11:00)

- Organizata për Rritjen e Cilësisë në Arsim publikon "Raportin e Monitorimit të Këshillit Shtetëror të Cilësisë 2" ku do të publikohen të dhëna nga procesi i akreditimit gjatë vitit 2020, si dhe informata të tjera të rëndësishme rreth sfidave me të cilat është përballur Agjencia e Kosovës për Akreditim dhe Këshilli Shtetëror i Cilësisë. (Zyrët e ORCA's, ora 13:00)

- Mbahet takimi i 196-të i Këshillit Prokurorial të Kosovës. (Takimi do të organizohet nëpërmjet videokonferencës, ora 13:00)