24 Tetor 2021

Mbahet kongresi i parë klinik i kirurgëve të Kosovës

Prishtinë, 23 shtator - Kolegji i Kirurgëve të Kosovës në bashkëpunim me Odën e Mjekëve të Kosovës organizon kongresin e parë klinik të kirurgëve, i cili do të mbahet në mënyrë hibride me pjesëmarrje fizike dhe virtuale.

Në këtë Kongres katër-ditorë do t’i prezantojnë punimet e tyre rreth 100 ligjërues, me ç’rast rreth gjysma e tyre janë profesorë dhe kirurgë të rangut botëror nga SHBA, Argjentina, Shqipëria, Austria, vende tjera të Evropës dhe më tej.

Ceremonia e hapjes do të mbahet sot në të cilën do të jenë të ftuar mysafirë nga autoritetet vendore qendrore, si: Kryeministri, Ministri i Shëndetësisë, Ministrja e Arsimit, përfaqësues të tjerë nga autoritet përkatëse të institucioneve shkencore dhe shëndetësore, etj.

Në këtë ceremoni, mes tjerash, Kolegji i Kirurgëve të Kosovës do t’ua ndajë Çmimin “Prof. Dr. Sami Haxhibeqiri” dy kirurgëve të njohur nga Kosova dhe Shqipëria, për arritjet e tyre jetësore në kirurgji.

Kalendari

Ngjarjet e datës 25 Tetor 2021

- Komisioni i Pavarur i Mediave në bashkëpunim me Departamentin e Gazetarisë të UP-së, me rastin fillimit të javës globale për edukimin mbi median dhe informacionin, organizojnë tryezë diskutimi me temën: “Edukimi Medial - Përmbajtjet e papërshtatshme për fëmijë”. (Hotel Sirius, ora 10:00)

- Nën patronatin e Kryeprokurorit të Shtetit, Aleksandër Lumezi do të mbahet “Java për të Drejtat e Viktimave të Krimit”, me moton “Së bashku në mbrojtje të viktimave të krimit”. (Hotelin Emerald, ora 10:00)

- GLPS mban tryezë diskutimit me temë “Meritokracia në shërbimin e jashtëm të Kosovës: një sërë rekomandimesh që duhet marrë parasysh”. (Hotel Swiss Diamond, ora 10:30)

- Punëtorët e Lotarisë së  Kosovës mbajnë protestë në të cilën do të kërkohet miratimi i ligjit për Lotarinë e Kosovës. (Para ndërtesës së Qeverisë, ora 11:00)

- Mbahet konferencë për media lidhur me Festivalin e 12 -të i Filmit të Shkurtër Ballkani Përtej Kufijve. (Kino Armata, ora 12:45)

- Oda e Hotelerisë dhe Turizmit të Kosovës  do të mbajnë tubim për të diskutuar masat e reja. (Golden Imperial, ora 19:00)