15 Prill 2021

Kosova do ta ketë Deponinë për Mbeturina të Rrezikshme‏

Prishtinë, 24 mars - Kosova së shpejti do të ketë Deponinë për Mbeturina të Rrezikshme dhe përfundimisht do ta mënjanojë ndikimin e mbeturinave të rrezikshme në mjedis dhe shëndetin e popullatës duke i grumbulluar ato dhe duke i vendosur në depo adekuate dhe të menaxhuar në mënyrë strikte. Kështu është thënë të mërkurën gjatë Diskutimit Publik të Draft Raportit për Vlerësimin e Ndikimit në Mjedis për Deponinë e Mbeturinave të Rrezikshme, që është mbajtur në lokalet e Ministrisë së Mjedisit dhe ku ishin prezent ekspertë mjedisorë nga MMPH-ja dhe institucionet tjera si dhe përfaqësues nga KK i Drenasit.


“Projekti ka një rëndësi të jashtëzakonshme për mbarë popullatën e vendit tonë”, ka thënë në fillim të takimit drejtori i Departamentit të Mjedisit, Muhamet Malsiu.


Përfaqësuesi i Kompanisë H&B Consalting, Jozef Raca ka prezantuar në hollësi Draft Raportin për të cilin ka thënë se është hartuar duke kaluar nëpër tri faza të rëndësishme dhe duke i marrë për bazë të gjitha kriteret në mënyrë që Deponia të mos ketë asnjë ndikim negativ për mjedisin dhe shëndetin e popullatës.


Sipas të gjitha analizave, ka shtuar ai, është propozuar që deponia të vendoset në afërsi të Goleshit meqë është konstatuar se ajo sipërfaqe është shumë e përshtatshme dhe larg çdo ndikimi negativ në mjedis dhe shëndetin e popullatës.


Në fund të Debatit Publik, drejtori i DMM-së, Malsiu është shprehur se për një periudhë të caktuar kohore të gjitha propozimet, vërejtjet dhe sugjerimet e pjesëmarrësve në Debat, por edhe të gjithë ekspertëve mjedisor do të merren dhe analizohen me shumë kujdes në mënyrë që ky Draft Raport të marrë formën finale. 

Kalendari

Ngjarjet e datës 15 Prill 2021 - Handikos dhe The Balkan Forum tashmë kanë nisur kampanjën ‘Thuaj Jo Qeseve të Plastikës’  përmes një aktiviteti simbolik zyrtarisht do të prezantojmë strajcat e ri-përdorshme të punuara tash e disa muaj nga personat me aftësi të kufizuara. (Sheshi ‘Skënderbeu’ dhe ‘Nënë Tereza’, ora 10:00)

- Këshilli Gjyqësor i Kosovës mban mbledhjen e radhes. (Platforma Zoom, ora 10:00)

- Mbahet seanca gjyqësore kundër të pandehurit Agim Hamdija për vepren penale 'Organizimi i skemave piramidale'. (Gjykata Themelore në Ferizaj, ora 10:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Qendra për Promovimin e Drejtave të Grave në Drenas, ora 10:30)

- Zëvendësministri i Mjedisit, Planifikimit Hapsinor dhe Infrastrukturës  Hysen Durmishi do të mbajë konferencë per media. (Objekti i MMPHI-së, salla B201, oa ora 10:30,

- Kryeministri Albin Kurti dhe ministrja e Ekonomisë dhe Ambientit, Artane Rizvanolli, vizitojnë ekipin e kampanjës 'Thuaj jo Qeseve të Plastikës'. (sheshi ‘Skënderbeu’ , ora 12:00)

- Pronarët e sallave të dasmave mbajnë takim lidhur me masat anti-Covid. (Golden Imperial në Veternik, ora 14:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Palestra Sportive “Tota” në Vushtrri, ora 14:30)