21 Tetor 2018

Koncepti “Qytetet e Shëndetshme” tejet i nevojshëm për Kosovën

Prishtinë, 3 maj - Qytetet e shëndetshme janë koncept që në këtë fazë i duhen më së shumti Kosovës dhe Qeveria e vendit e mbështet fuqishëm çdo nismë që përmirëson jetën e qytetarit. Kështu tha Kryeministri i Republikës së Kosovës, Ramush Haradinaj, pasi priti në takim delegacionin e Organizatës Botërore të Shëndetësisë, Zyra Regjionale për Evropë, të kryesuar nga Monika Kosinska, profesor John Ashton dhe  Adam Tiliouine.

“Ndotja e ajrit që arriti kulmin në dimrin që lamë pas, ishte momenti alarmues për të cilin duhet menduar strategji afatgjate, por duke njohur fillimisht problemet me të cilat përballen qytetet e vendit. Ndihma e OBSH-së në këtë drejtim është e tejet e nevojshme dhe Qeveria mbështet konceptin e Qyteteve të Shëndetshme, me shpresë që shumë shpejt Prishtina dhe qytete të tjera t’i bashkohen kësaj nisme, që në botë ekziston prej dekadash”, tha Kryeministri Haradinaj.

Udhëheqësja e këtij misioni, Monika Kosinska, falënderoi Kryeministrin Haradinaj për pritje, duke shprehur përkushtimin e Organizatës Botërore të Shëndetësisë, në adresimin e çështjeve dhe përmirësimin e gjendjes në shëndetësi, në bazë të nevojave dhe kërkesave që ka Kosova.

Pjesë e këtij takimi ishte ministri i Shëndetësisë, Uran Ismaili, ministria e të cilit është iniciues e kësaj nisme, për të cilën dha mbështetje edhe Kryeministri Haradinaj.

 

 

 

Kalendari

Ngjarjet e datës 22 tetor 2018 - Misioni i OSBE-së organizon punëtori për gazetarët me titull mediat në gjykatore në Gjykatat Themelore. (Gjykata Themelore në Pejë, ora 9:30)

- Mbahet mbledhja e Komisionit për të Drejtat e Njeriut, Barazi Gjinore, për Persona të Pagjetur dhe Peticione në të cilën do të behët shqyrtimi i Projektligjit për Mbrojtjen e Fëmijës. (Ndërtesa e Kuvendit, salla N204, ora 10:00)

- Ambasada Britanike në Kosovë në bashkëpunim me Asociacioni i Bursistëve Chevening të Kosovës organizon konferencën me titull “Qëndrimet dhe aftësitë që i duhen një lideri të shekullit 21.” (Hotel  Swiss Diamond, ora 10:00)

- Instituti i Kosovës për Drejtësi organizon tryezën "Si të parandalohet dhe luftohet kriminalizimi i politikës në Kosovë: Zgjidhja përmes rregullimit ligjor apo kodit të etikës?". (Hotel Sirius, ora 10:00)

- Mbahet ceremonia me rastin e shënimit të “Javës për të Drejtat e Viktimave të Krimit”, e cila organizohet nën patronatin e Kryeprokurorit të Shtetit. (Hotel Emerald, ora 10:00)

- Presidenti i Republikës së Kosovës, Hashim Thaçi, do të marrë pjesë në konferencën “Java për të drejtat e viktimave të krimit”, organizuar nga Kryeprokurori i Shtetit. (Hoteli Emerald; ora 10:00)

- Bashkimi i Sindikatave të Pavarura të Kosovës konferencën për media në të cilën do të shpaloset platforma mbi organizimin e Projektit: “Dialogut bashkëkohorë i shekullit XXI”. (Salla e konferencave Orion, ora 10:30)

- Presidenti i Republikës së Kosovës, Hashim Thaçi, pret në takim ekipin e Forcës së Sigurisë së Kosovës, i cili ka marrë pjesë në gara ndërkombëtare “Cambrian Patrol”. (Kabineti i Presidentit, ora 11:00)

- Kryeministri Ramush Haradinaj mban ligjëratë në AUK, me temën “Transformimi i FSK-së”. (Objekti i AUK, ora 12:00)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi takohet me anëtarët e Akademise së Shkencave dhe të Arteve të Kosovës. (Ndërtesa e Kuvendit, salla N 303, ora 13:00)

- Kryetari i Partisë Demokratike të Kosovës, Kadri Veseli merr pjesë në hapjen e Konventës zgjedhore të degës së PDK-së në Prishtinë. (Sheshi 21, ora 18:00)