20 Janar 2021

Kompania amerikane Moderna gati vaksinën që mbron nga Covid-19

New York, 16 nëntor - Një vaksinë e re që mbron nga Covid-19 është gati 95% efektive, tregojnë të dhënat e para nga kompania amerikane Moderna.

Rezultatet vijnë pak pasi kompania Pfizer njoftoi se vaksina e saj ishte 90% efektive, dhe shtojnë besimin në rritje se vaksinat mund t’I japin fund pandemisë dhe të shpëtojnë njerëzimin.

Moderna, përmes një reagimi,  thotë se është një "ditë e shkëlqyer",ndërsa planifikon të aplikojë për miratim për të përdorur vaksinën në javët e ardhshme.

Sidoqoftë, kjo është ende e dhënë e hershme dhe pyetjet kryesore mbeten pa përgjigje.

Ne ende nuk e dimë se sa do të zgjasë imuniteti i kësaj vaksine. Nuk ka gjithashtu të dhëna se sa mirë funksionon në grupmoshat më të vjetra, të cilët rrezikojnë më shumë të vdesin nga Covid.

Megjithatë, Zaks i tha BBC të dhënat e tyre deri më tani sugjerojnë se vaksina "nuk duket se e humbet fuqinë e saj" me rritjen e moshës.

Dhe nuk dihet nëse vaksina thjesht ndalon njerëzit të sëmuren rëndë, ose nëse i ndalon ata gjithashtu të përhapin virusin.

Të gjitha këto pyetje do të ndikojnë në mënyrën se si përdoret vaksina e koronavirusit.

Asnjë shqetësim i rëndësishëm i sigurisë nuk është raportuar, por asgjë, përfshirë paracetamolin, nuk është 100% e sigurt.

Lodhje dhe dhimbje koke u raportuan pas injeksionit në disa pacientë.

"Këto efekte janë ato që ne do të prisnim me një vaksinë që po funksionon dhe nxit një përgjigje të mirë imune", tha Prof Peter Openshaë, nga Imperial College London.
 

Kalendari

Ngjarjet e datës 20 Dhjetor 2020

- Mbahet seanca e parë gjyqësore me rastin e padisë për diskriminim të qytetarit me aftësi të kufizuar, Faruk Kukaj ndaj komunës së Prishtinës. (Gjykata Themelore e Prishtinës, ora 9:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë Komunale të Arsimit, Xhemile Thaçi Vezgishi, do të bëjnë përurimin e sallës së edukatës fizike në shkollën “Dy Dëshmorët e Zhurit”. (Fshati Zhur, ora 10:00 - nisja nga Shtëpia e Bardhë, ora 9:20)

- Mbahet seanca gjyqësore ndaj të pandehurit Brahim Krusha për Keqpërdorimi seksual te personave nen moshën 16 vjeçare. (Gjykata Themelore në Ferizaj, Salla nr.II, ora 9:30)

- Shoqata "Miqtë e Amerikës" organizon me moton "E para SHBA-ja" ku do të festohet inaugurimi i Presidentit të 59 të SHBA-ve Joe Biden dhe zëvëndes Presidentës Kamala Harris. (Restauranti "Liburnia" në Prishtinë, ora 12:00)   

- Mbahet seanca gjyqësore ndaj të pandehurit Albert Ramadni për çështjen penale të vrasjes së rëndë. (Gjykata Themelore në Ferizaj, ora 9:30)

- Mbahet seanca për rastin e ish-drejtorit të Policisë, Rashit Qalaj. (Gjykata Themelore në Pallatinë e Drejtësisë, 13:30)

- Kryeministri në detyrë, Avdullah Hoti, viziton Qendrën Rekreative Sportive në Brezovicë. (Brezovicë, ora 14:00)

- Kryeministri në detyrë, Avdullah Hoti, takon bizneset e udhëhequra nga gratë në Komunën e Shtërpcës. (Hoteli “THE ROCK”, Shtërpcë, ora 16:00)