03 Mars 2021

KE ndihmon MSH në Sistemin e Informimit Shëndetësor

Prishtinë, 29 prill - Ministri i Shëndetësisë i Republikës së Kosovës, Bujar Bukoshi, me bashkëpunëtorë, priti sot në një takim përfaqësuesit e Zyrës Ndërlidhëse të Komisionit Evropian në Kosovë të kryesuar nga znj. Keroll Paulek, të cilët ndihmojnë në zhvillimin e një modeli të Sistemit të Informimit Shëndetësor (SISH) në Kosovë përmes kompanisë për konsultime dhe shërbime të teknologjisë informative, EPTISA.

Në këtë takim, është biseduar për hapat e ndërmarrë deri më tani në vlerësimin e gjendjes rreth sistemit aktual të informimit shëndetësor, zhvillimin e mëtejmë  dhe modelet lidhur me regjistrimin elektronik shëndetësor dhe regjistrimin elektronik të pacientëve, për të cilat çështje,  EPTISA ka prezantuar kohë më parë rezultatet e një projekt-studimi.

Ministri Bukoshi dhe përfaqësuesit e Zyrës Ndërlidhëse të Komisionit Evropian në Prishtinë dhe të EPTISA-s janë pajtuar për vazhdimin e bashkëpunimin në drejtim të ndërtimit të një modeli efikas të Sistemit të Informimit Shëndetësor në Kosovë.

Kalendari

Ngjarjet e datës 3 Mars 2021 - Kolegji Ndërkombëtar i Biznesit në Mitrovicë inauguron projektin “Fuqizimi i autonomisë universitare dhe rritja e llogaridhënies e transparencës së universiteteve të Ballkanit Perëndimor”. (Selia e Kolegjit IBCM, ora 9:00)

- Mbahet seanca gjyqësore kundër të pandehurit Enis Ramadani për vepren penale 'Mbajtja në pronësi, kontroll ose posedim të paautorizuar të armëve'. (Gjykata Themelore në Ferizaj, ora 9:30)

- Avokati i Popullit, Naim Qelaj viziton ekspozitën për fëmijët e vrarë gjatë luftës “Na ishte një herë që kurrë mos qoftë”. (Biblioteka “Hivzi Sylejmani” në Prishtinë, lagjja Dardania, ora 10:00)

- Parlamenti i dytë rural shqiptar organizon konferencë për të diskutuar sfidat dhe veprimet konkrete për mirëqenien e banorëve të zonave rurale. (Platforma Zoom, ora 10:00)

- Pas rritjes së numrit të rasteve me COVID-19 në Gjilan, kryetari i Komunës, Lutfi Haziri, mban konferencë për media pas takimit të Komitetit për menaxhimin dhe parandalimin e përhapjes së COVID-19. (Zyra e krytarit Haziri, ora 10:30)

- Ministria e Kulturës, Rinisë dhe Sportit organizon ceremoninë e shpërndarjes së librave të botuar dhe të blerë me financimin e Departamentit të Kulturës në MKRS. (Biblioteka Kombëtare e Kosovës, ora 11:00)