28 Mars 2024

Izraelitët arrijnë rezultate shkencore që drejt krijimit të vaksinës së koronavirusit

Telaviv, 9 mars - Ndërsa emergjenca e koronavirusit vazhdon të zgjerohet në botë, me më shumë se 100 shtete të prekura tashmë, edhe Izraeli ka filluar përpjekjet për krijimin e  vaksinës.

Madje zyrtarët kanë thënë se kanë arritur rezultate shkencore që mund të çojnë në krijimin në një kohë shumë të shpejtë të një vaksine kundër koronavirusit.

Në ditët e shkuara, në mbretërinë e bashkuar, kryeministri Boris Johnson kishte njoftuar një investim prej 46 milionë stërlinash për tu përdorur në kërkime.

Shkencëtarët izraelitë ndërkohë po punojnë për një produkt derivat të një vaksine ekzistuese kundër koronavirusit që godet bagëtitë.

Mekanizmi i infeksionit të përdorur në të dy viruset duket se është i njëjtë dhe pikërisht ky zbulim, rrit mundësinë e pasjes së një vaksine për njerëzit në një kohë të shkurtër.

Pas modifikimeve të nevojshme gjenetike për të adaptuar Covid-19, kërkuesit tani janë në pritje të miratimeve të sigurisë për të vazhduar me testimet dhe prodhimin.

Për OBSH, janë gjithsej 20 prototipe të studimit. Ndërsa për sa i takon kohëzgjatjes, thuhet se do të duhet 1 deri në 2 vjet për fazën përfundimtare të zhvillimit të një vaksine, pavarësisht se shumë çka varet nga momenti në të cilën bëhet e disponueshme harta gjenetike e virusit.

Në rastin e sarsCov2, kjo është bërë e disponueshme menjëherë nga kina dhe më pas virusi i ri edhe është izoluar në Itali.

Kjo do të thotë se është filluar shumë shpejt puna për një vaksinë dhe disa prototipe mund të hyjnë në fazën e testeve klinike mbi njeriun, në pak muaj. Sidoqoftë, prodhimi në masë do të kërkojë më shumë kohë dhe do të ketë kosto të tjera.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)