12 Prill 2021

Intensifikohet bashkëpunimi me Maqedoninë në shëndetësi

Prishtinë, 31 mars - Ministri i Shëndetësisë i Republikës së Kosovës, dr. Ferid Agani, priti sot në një takim Ambasadorin e Republikës së Maqedonisë në Kosovë, Stojan Karajanov dhe drejtues të spitalit privat “Sistina “ nga Shkupi.

Në këtë takim u pajtua që të fillohet bashkëpunimi për sigurimin e kushteve të barabarta për trajtimin mjekësor të pacientëve nga Kosova me qytetarët e Republikës së Maqedonisë në këtë vend.

Udhëheqësit e këtij spitali nga Shkupi, kanë premtuar se pacientëve kosovarë, të cilët do të trajtohen në Maqedoni në bazë të  Marrëveshjes së bashkëpunimit me Ministrinë e Shëndetësisë të Republikës së Kosovës, do t’u ofrohen çmime të njëjta të shërbimeve me ato të cilat Fondi i Sigurimeve Shëndetësore të Maqedonisë i kontrakton për qytetarët e këtij shteti.

Ministri Agani mirëpriti ofertën  e këtij spitali dhe ka premtuar kushte të barabarta për konkurrim në kuadër të Programit për Trajtim Mjekësor Jashtë Institucioneve Publike Shëndetësore të Kosovës.

 

Kalendari

Ngjarjet e datës 12 Prill 2021

- Agjencia Shtetërore e Arkivave e Kosovës hap Ekspozitën “Vullkani” i Republikës, për nder të 40 Vjetorit të demonstratave të Viti 1981, dhe Ekspozitën “70 Vjet Arkiv”. (Sheshi “Zahir Pajaziti”, ora 10:00)

- Myftiu Naim Tërnava do të japë mesazhin me rastin e fillimit të muajit të bekuar të Ramazanit. (Selia e Kryesisë së BIRK-ut, ora 11:00)

- Partia Demokratike e Kosovës mban konferencë për media, në oborrin e Kuvendit të Kosovës, hyrja nga sheshi qendror. (Oborri i Kuvendit të Kosovës, hyrja nga sheshi, ora 11:30)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Turizmit dhe Zhvillimit Ekonomik, Sevil Limani-Kazaz, do të bëjnë lansimin e projektit “View Point”. (Afërsi të fshatit Jabllanicë, ora 12:00)