21 Janar 2021

Humbja e jetës së qytetarëve nga Covid-19, dhimbje dhe sfidë e rëndë

Gjilan, 9 shtator – Kryetari i Komunës së Gjilanit, Lutfi Haziri, ka pritur në një takim pune ministrin e Punëve të Brendshme, Agim Veliu, me të cilin kanë bashkbiseduar për gjendjen e sigurisë publike në përgjithsi, për kushtet e punës në Policinë e Kosovës në Gjilan, për shërbimin e Zjarrfikësve dhe për menagjimin e gjendjes me Covid-19, nga Qendra Operative e Emerxhencave Civile dhe shëndetësore.

Kryetari Lutfi Haziri, ka potencuar se në takimin e përbashkët, ministri është njoftuar me rolin e madh që ka Policia e Kosovës në sigurinë publike nw Gjilan, përgatitjet që janë bërë me masat anti-Covid-19 në fillimin e vitit të ri shkollor dhe bashkëpunimin e madh me dy sektorët e shëndetësisë.

“Falënderoj ministrin Veliu për vizitën e sotme në Gjilan. Atë e kam njoftuar për gjendjen e përgjithshme dhe bashkëpunimin që kemi në vazhdimësi me të gjitha institucionet vartëse të kësaj ministrie. Komuna e Gjilanit që nga data 22 shkurt është angazhuar në forma të ndryshme për t’i bërë ballë pandemisë globale e veçanërisht nga data 13 mars, kur është aktivizuar plani kombëtar. Gjilani për këtë periudhë kohore mbi gjashtë muajshe ka bërë përpjekje maksimale që menaxhimi i situatës kundër përhapjes së pandemisë të jetë në nivelin më të lartë të mundshëm”, ka thënë kryetari Haziri.

Ai ka potencuar humbjen e jetës së 40 qytetarëve të Gjilanit nga Covid-19, për të cilët ai tha se ka qenë pjesa më e rëndë në rrugën e përballjes me Covid-19 dhe e menaxhimit të situatës.

Ndërsa, ministri Agim Veliu, në konferencën me gazetarët ka bërë të ditur se kanë bashkbiseduar për programet dhe punën që është duke bërë ministria që nga reforma për administratën publike, shërbimin civil dhe punonjësit e tjerë, pastaj për bashkëpunimin e Policisë së Kosovës me Komunat e deri te infrastruktura, Zjarrfikësit dhe siguria publike.

“Fokus i ministrisë është zgjidhja ligjore e reformës në administratë në përgjithësi, pastaj zhvillimin e projekteve për objektin e Policisë dhe mundësinë e zgjidhjes së pengesave që ka projekti, të cilit i bëhet zgjidhje financiare në buxhetin e vitit të ardhshëm. Hapi i Gjilanit dhe përgatitjet që i ka bërë Komuna për fillimin e vitit të ri shkollor dhe masat që i ka marrë, janë impresive dhe të menduara deri në detaje, sepse pos tjerash ka një angazhim ndërinstitucional me qëllim të kontrollit të plotë të gjendjes, që gjithçka pastaj të filloj mbarë dhe të ecë si duhet, përkundër që lëvizjet e qytetarëve do të jenë më të mëdha”, ka thënë ministri, Veliu në fjalën e tij.

Ai ka shprehur falënderimin e tij për policinë e Gjilanit në dy nivelet, për zjarrfikësit, mjekët, pastaj organizimi dhe menaxhimi nga Qendra Operative e deri te lojaliteti i lartë qytetarë për sigurinë në përgjithësi dhe zbatimin e vendimeve kundër pandemisë globale..

 

Kalendari

Ngjarjet e datës 21 Dhjetor 2020 - Kryeministri në detyrë Avdullah Hoti zhvillon homazhe te varri i ish presidentit Ibrahim Rugova. (Velani, ora 10:00)

- Kryesia e Lidhjes Demokratike te Kosovës bën homazhe te varri i Presidentit Historik të Kosovës, Dr. Ibrahim Rugova, me rastin e 15 vjetorit të vdekjes së tij. (Velani, ora 10:00)

- Mbahet mbledhja e parë e Komiteti për Politik dhe Financa në Komunën e Rahovecit. (Objekti i ri i administratës komunale të Rahovecit, ora 10:00)

- Mbahet seanca gjyqësore ndaj zyrtaritt te Drejtorisë për Migrim dhe të Huaj, Maxhun Maloku për keqpërdorim te pozitës apo autoritetit zyrtar. (Gjykata Themelore në Ferizaj, Salla nr.II, ora 9:30)
 
- Kryeministri në detyrë Avdullah Hoti merr pjesë në fillimin e punimeve në zgjerimin e rrugës në hyrje të qytetit të Ferizajt. (Ura afër fshatit Bibaj, ora 11:00)

- Ambasadorja suedeze, Karin Hernmarck, dhe Ushtruesi i Detyrës së Shefit të Misionit të OSBE-së në Kosovë, Kilian Wahl, do të organizojnë një konferencë për shtyp në Prishtinë për t’i prezantuar prioritetet e Kryesimit suedez të OSBE-së për vitin 2021. (Hotel Sirius, ora 11:00)

- Kryetarja e KQZ-së, znj. Valdete Daka do të mbajë konferencë për media. (Selia e KQZ, ora 12:00)

- Aleanca Kosovare e Bizneseve mban konferencën për media me temë ''14 kërkesat e AKB-se, bizneseve dhe konsumatoreve deri me 14 shkurt, kur edhe përfundojn zgjedhjet lidhur me rritjen e mirëqenies qytetare dhe pasurimin dhe implementimin e Ligjit për Rimëkëmbje Ekonomike për vitin 2021''.  (Salla e konferencave të AKB-së, ora 13:00)

 - Kryeministri në detyrë Avdullah Hoti merr pjesë në akademinë për ish presidentin Ibrahim Rugova. (Teatri i Gjilanit, ora 14:00)    

- PDK dega në Prizren, bën prezantimin e kandidatëve për deputetë, për zgjedhjet e jashtëzakonshme nacionale të 14 shkurtit 2021. (Restaurant ''Rexos'' në Lubizhdë, përballë stacionit të policisë, ora 19:00)