20 Maj 2019

Haradinaj: Qeveria i ka dhënë prioritet sektorit të shëndetësisë

Prishtinë, 10 shtator - Kryeministri i Republikës së Kosovës, Ramush Haradinaj, priti në takim drejtoren e Qendrës Kombëtare të Transfuzionit të Gjakut, Dr. Bukurije Zhubi.

Kryeministri Haradinaj, tha se që nga marrja e mandatit, Qeveria i ka dhënë prioritet sektorit të shëndetësisë dhe përmirësimit të gjendjes, duke theksuar se tashmë ka më shumë përkushtim dhe rezultate  në shëndetësi.

Duke i quajtur mjekët heronj tanë, kryeministri Haradinaj tha se qeveria që drejton është e përkushtuar në vazhdimësi për përmirësimin e infrastrukturës, pajisjeve shëndetësore dhe ngritjen e cilësisë në sistemin shëndetësor.

“Gjatë këtij mandati qeverisës është rritur buxheti për Ministrinë e Shëndetësisë, është zvogëluar në masë të madhe lista e pritjes dhe është duke u investuar në ndërtimin e spitaleve rajonale, në mënyrë që pacientët të gjejnë trajtimin e duhur në institucionet shëndetësore të vendit”, tha kryeministri Haradinaj.

Në këtë takim, kryeministri Haradinaj është njoftuar nga stafi i QKTGJ-së për punën që bëjnë në grumbullimin e dozave të gjakut për personat në nevojë, duke thënë se dhuruesit vullnetarë të gjakut në Republikën e Kosovës mbulojnë pjesën më të madhe të nevojave që paraqiten në QKTGJ.

Me këtë rast, drejtoresha e Qendrës Kombëtare të Transfuzionit të Gjakut (QKTGJ), Dr. Bukurije Zhubi, i ka ndarë kryeministrit Haradinaj mirënjohje për kontributin si dhurues i rregullt i gjakut.

Kryeministri Haradinaj, ka falënderuar personelin e Qendrës për mirënjohjen, duke thënë se dhurimi i gjakut është shembull i mirë i humanizmit që duhet ndjekur nga të gjithë dhe shprehu gatishmërinë për vazhdimin e bashkëpunimit si dhe ofrimin e mbështetjes për këtë qendër të rëndësishme.

 

Kalendari

Ngjarjet e datës 20 maj 2019  - Vazhdimi i Seancës plenare e Kuvendit të Republikës së Kosovës. (Kuvendi i Kosovës, ora 10:00)

- Mbahet mbledhja e komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për ndryshimin dhe plotësimin e Ligjit për financimin e subjekteve politike. (Ndëresa e Kuvendit, salla N 303, ora 10:00)

- Mbahet takimi i rregullt i Komitetit për Politik dhe Financa i Komunes se Pejes. (Salla e takimeve, zyra e kryesuesit Islam Husaj, ora 10:00)

- Ministri i Arsimit, Shyqyri Bytyqi dhe Koordinatori i testit nacional Rexhep Hoti raportojn para Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi lidhur me testin e organizuar në shkollat e Kosovës. (Ndëresa e Kuvendit, salla N 303, ora 13:00)
 
- Shoqata Down Syndrome Kosova mban konferencë për media për të njoftuar lidhur me sjellën në Kosovë të grupit te vallëzimit “Larondina” nga Britani e Madhe. (Hotel Parlament në Prishtinë, ora 18:00)

- Presidenti i Republikës së Kosovës, Hashim Thaçi, merr pjesë në Akademinë Përkujtimore për heroin Enver Topalli. (Teatri Kombëtar i Kosovës, ora 12:00)