12 Prill 2021

Gripi i Derrit, vdes një 36 vjeçare në Prishtinë

Prishtinë, 1 shkurt - Në Qendrën Klinike Universitare të Kosovës (QKUK), një 36-vjeçare ka vdekur nga pasojat e infektimit me virusin A-H1N1, të njohur si gripi i derrit.

Lajmin e ka konfirmuar Faik Hoti nga Ministria e Shëndetësisë. Numri i përgjithshëm i të infektuarve ka kaluar mbi 100, nga të cilët një raportohet të jetë në gjendje të rëndë.

Edhe drejtori i Klinikës Infektive, Shemsedin Dreshaj e ka konfirmuar vdekjen e pacientes që ishte shtrirë më shumë se dy javë, pasi ishte prekur nga gripi.

Nga fillimi i epidemisë e deri të dielën nga mostrat e marra në Klinikën Infektive janë të dokumentuar 108 të sëmurë të prekur me influencën në Kosovë.

Gjatë këtij sezoni të gripit pandemik A/H1N1, në Kosovë janë konfirmuar 92 raste me këtë virus, 16 me virusin e influencës A, ndërsa dy raste me A/ H1N1 ishin trajtuar në mjekimin intensive.

Kalendari

Ngjarjet e datës 12 Prill 2021

- Agjencia Shtetërore e Arkivave e Kosovës hap Ekspozitën “Vullkani” i Republikës, për nder të 40 Vjetorit të demonstratave të Viti 1981, dhe Ekspozitën “70 Vjet Arkiv”. (Sheshi “Zahir Pajaziti”, ora 10:00)

- Myftiu Naim Tërnava do të japë mesazhin me rastin e fillimit të muajit të bekuar të Ramazanit. (Selia e Kryesisë së BIRK-ut, ora 11:00)

- Partia Demokratike e Kosovës mban konferencë për media, në oborrin e Kuvendit të Kosovës, hyrja nga sheshi qendror. (Oborri i Kuvendit të Kosovës, hyrja nga sheshi, ora 11:30)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Turizmit dhe Zhvillimit Ekonomik, Sevil Limani-Kazaz, do të bëjnë lansimin e projektit “View Point”. (Afërsi të fshatit Jabllanicë, ora 12:00)