04 Mars 2021

Franca raporton shifrën më të lartë të infektimeve që prej fillimit të pandemisë

Paris, 23 tetor - Autoritetet franceze kanë raportuar 41 mijë raste të reja me COVID-19 dhe kjo është shifra më e lartë ditore që kur vendi u përball pandeminë.

Qeveria franceze ditë më parë zbatoi orën policore në Paris si dhe në disa qytete të tjera si masë preventive kundër koronavirusit.

Kryeministri francez, Jean Castex, vendosi që këtë masë ta zgjerojë edhe në disa zona të tjera të vendit për të parandaluar përhapjen e infektimeve.

“Vala e dytë është duke ardhur”– tha ai. Rritje të fundit janë raportuar edhe në disa zona të tjera europiane, derisa rastet në valën e dytë thuhet se janë më të larta se në valën e parë.

Kalendari

Ngjarjet e datës 4 Mars 2021

 - Guvernatori i BQK-së Femi Mehmeti takohet me përfaqësuesit e bankave. (Ndërtesa e BQK-së, ora 10:00 - mediat mund te marrin pamje)

- Oda e Mjekëve të Kosovës ndan mirënjohje për mjekët në pension dhe për institucionet shëndetësore që kanë kontribuar në luftën kundër Covid-19. (Amfiteatri i Telemjekësisë në QKUK, ora 10:00)

- Komisioni Qendror i Zgjedhjeve shpall rezultatet përfundimtare të zgjedhjeve të parakohshme për Kuvendin e Republikës së Kosovës, të cilat u mbajtën më 14 shkurt 2021. (selia e KQZ-se, ora 11:00) 

- Me rastin e ndarjes nga jeta të Enver Krasniqi, Prokuror i Prokurorisë Speciale të Republikës së Kosovës, sistemi prokurorial organizon mbledhje komemorative. (Amfiteatri i ndërtesës të ish-Rilindjes, ora 11:00)

- Guvernatori i BQK-së Femi Mehmeti takohet me shoqatat e bizneseve. (Ndërtesa e BQK-së, ora 14:00 - mediat mund te marrin pamje)

- Dogana e Kosovës organizon konferencë për shtyp ku do të paraqiten rezultatet e doganës gjatë dy muajt e parë të vitit 2021 dhe luftimi i kontrabandës dhe informalitetit në muajt e fundit. (Drejtoria e doganës në lagjjen Emshir, ora 14:00)   

- Guvernatori i BQK-së Femi Mehmeti mban konferencë për media. (Ndërtesa e BQK-së, ora 15:00)