26 Maj 2020

Franca bëhet vendi i 4-t që raporton 3 mijë viktima nga virusi

Paris, 31 mars - Institucionet franceze raportuan 481 raste të reja të vdekjes nga koronavirusi. Kështu, numri i përgjithshëm i të vdekurve në Francë nga COVID-19 ka arritur në 3024.

Drejtori i Agjencisë Shëndetësore Jerome Salomo thotë:"3024 vdekje janë regjistruar në spitale që nga 1 marsi. Por është e rëndësishme që të ritheksojmë që 7924 veta janë shëruar dhe kanë dalë nga spitali qysh nga 1 marsi. Edhe çdo i sëmurë jashtë spitaleve që pas 8 ditëve nuk ka simptoma për 48 orë, është shëruar. Fatmirësisht, ky grup është i madh."

Deri tani llogaritet vetëm numri i vdekjeve në spitale, por autoritetet thonë që shumë shpejt do të përpilohen të dhëna edhe për viktimat në shtëpitë e të moshuarve, çka ka mundësi që ta shtojë shumë numrin e vdekjeve të regjistruara.

Salomon thotë që numri i të infektuarve ka shkuar në 44550, me një rritje 11% në 24 orët.

Ai shtoi që 5107 të sëmurë ishin në gjendje të rëndë dhe të intubuar, 10% më shumë se të hënën.

Franca është bërë vendi i 4-t me mbi 3000 të vdekur, pas Kinës, Italisë dhe Spanjës.

Kalendari

Ngjarjet e datës 26 Maj 2020 - Komisioni për Integrim Evropian diskuton lidhur me përmbushjen e obligimeve të Kosovës, në procesin e liberalizimit të vizave dhe shqyrton raportin e Ministrisë së Integrimit Evropian lidhur me financimin e Kosovës nga BE-ja, në luftimin e COVID-19. (Ndërtesa e Kuvendit, N303, ora 11:00)  

- Komisioni për Shëndetësi dhe Mirëqenie Sociale takohet me Sekretarin e Ministrisë së Shëndetësisë, Naim Bardiqi. (Ndërtesa e Kuvendit, N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton Raportin Vjetor të Zyrës së Rregullatorit të Energjisë (ZRrE) për vitin 2019. (Ndërtesa e Kuvendit, salla N10, ora 11:00)

- Presidenti i vendit, Hashim Thaçi,  do ta vizitojë Oden Ekonomike të Kosovës. (Lokalet e OEK-ut, ora 11:30)

 - Kryetari i AAK-së, Ramush Haradinaj, merr pjesë në ceremoninë e zbulimit të lapidarit të dëshmorit Luan Qerimaj dhe 4 dëshmorëve tjerë, në Gllogjan. (Te vendi i quajtur Lejthia, Gllogjan, Deçan, ora 11:30)

- Instituti Demokraci për Zhvillim Sfidat dhe nevojat e nënave vetë-ushqyese në kohë (pas)pandemie”  (Përmes platformës online, Google Meet, ora 17:00 - https://forms.gle/HAxFHsHEScpDdMx99)