02 Mars 2021

Filluan analizat e nivelit të plumbit në gjak për 78 fëmijë rom

Mitrovicë, 30 nëntor - Zyra ndërlidhëse e KE-se në partneritet me USAID-in dhe Komunën e Mitrovicës ka filluar të bëjë analizat e nivelit të plumbit në gjak për 78 fëmijë rom, ashkalinjë dhe egjiptian të cilët së voni janë zhvendosur në Mëhallën e Romëve nga kampet "Osterode" dhe "Çesmin Llug" të kontaminuara me plumb. 

Infermieret e ambulantës në Mëhallën e Romëve do të bëjnë hapat e para për analizat e fëmijëve të tillë pas miratimit të protokollit të trajtimit nga Ministria e Shëndetësisë.  Zyrtarët shëndetësor varësisht prej rezultateve të analizave do të bëjnë trajtimin pasues.

Veç kësaj, Zyra ndërlidhëse e KE-së ka inauguruar fabrikën e re në Parkun Industrial të Mitrovicës që do të punësoj 12 gra dhe meshkuj nga komuniteti RAE dhe 3 nga komuniteti shumicë.  Fabrika "Muja" do të prodhoj thasë të letrës për artikuj ushqimor dhe për materiale ndërtimore. Projekti i financuar nga BE-ja ka bërë blerjen e lëndës së parë për fillimin e prodhimit.

Kjartan Björnsson, i ngarkuar me punë në Zyrën ndërlidhëse të KE-së në Kosovë, tha: “Ngjarjet e sotme kanë të bëjnë me ofrimin e mundësive reale për fëmijët që të kenë jetë më të mirë pas viteve të jetesës në kampet e kontaminuara me plumb. Ekspozimi ndaj plumbit dhe metaleve të rënda mund të shkaktojë dëme të pariparueshme për shëndetin e fëmijëve. Veç kësaj, lansimi i fabrikës së re është pjesë e përkushtimit të BE-së për zhvendosje dhe riintegrim të qëndrueshëm të pjesëtarëve të komunitetit RAE”.  

Projekti "Iniciativa për Përkrahjen e RAE në Mitrovicë" përdor një qasje shumësektoriale për përkrahjen e familjeve të zhvendosura të RAE. 

Ky projekt përfshin përkrahje për kontrolle dhe trajtime mjekësore, gjenerim të të ardhurave si dhe ndërtimin dhe rindërtimin e shtëpive, iniciativa për zhvillimin e komunitetit, dialog ndëretnik, arsimim, regjistrim civil, asistencë ligjore dhe përkrahje për ndërtimin e kapacitetit të autoriteteve komunale në Mitrovicë. 

Ky projekt gjithashtu bashkëpunon me një projekt të ngjashëm të financuar nga USAID-i për zhvendosjen e komunitetit RAE. Këto dy projekte implementohen nga Mercy Corps në bashkëpunim me partnerët lokal siç janë Agjencia e Kosovës për Avokim dhe Zhvillim (AKAZH) dhe Qendra e Dokumentimit të Romëve - Ashkalinjëve (QDRA). 
 

Kalendari

Ngjarjet e datës 2 Mars 2021

- U.d. Presidentja Vjosa Osmani pret në takim të ngarkuarin e BE-së për dialogun Kosovë-Serbi, Miroslav Lajçak. (Kabineti i Presidentes, ora 8:00)

- Kryetari i Partisë Demokratike të Kosovës, Enver Hoxhaj pret në takim përfaqësuesin e BE-së për dialogun Kosovë - Serbi, Miroslav Lajçak. (Zyret e Selisë Qendrore të PDK-së, ora 9:50 - mediat të marrin pamje nga ky takim)

- Komisioni Rregullativ i Prokurimit Publik dhe USAID në Kosovë, lansojnë dy module të reja të prokurimit elektronik. (Hotel Swiss Diamond, ora 10:00)

-  Koalicioni ad-hoc i organizatave të shoqërisë civile dhe aktivistëve mbajnë konferencë për media, me ç’rast do të bëhet dorëzimi i përgjigjes në padinë e ngritur nga kompania KelKos Energy Sh.p.k ndaj aktivistes Shpresa Loshaj.  (Para objektit të Gjykatës Themelore, dega Deçan, ora 11:00)  

- Naša Inicijativa organizon protestë paqësore kundër uzurpimit të vendeve të garantuara në parlament si pasojë e një procesi jodemokratik zgjedhor dhe të kompromentuar nga manipulime në zgjedhjet e parakohshme parlamentare më 14 shkurt 2021. (Pikënisja e protestës fillon nga Hotel Grandi, ora 12:00)