29 Mars 2024

Ekspertë nga Suedia trajnojnë stafin e Klinikës së Kirurgjisë së Fëmijëve në QKUK

Prishtinë, 17 tetor - Ka përfunduar me sukses punëtoria njëjavore e urodinamikës, uroterapisë dhe trajtimit endoskopik të refluksitveziko-urinar të fëmijëve,  e cila ka zgjatur nga data 9 tetor deri  më 13 tetor në Klinikën e Kirurgjiës Pediatrike të Qendrës Klinike Universitare të Kosovës (QKUK).

 Ekspertët nga Universiteti i Linkopingut  nga Suedia,  Prof. Dr. Sven Mattson, Prof. Dr. Anders Spanberg,Prof. Dr. PederDrott, së bashku me ekipin vendor të urodinamikës nga Klinika e Kirurgjisë së Fëmijëve kanë mbajtur punëtorinë praktike  me kontrolle dhe vizita  me pacientë. Gjatë kësaj jave kanë vizituar dhe trajtuar 50 fëmijë me çrregullime të fshikëzës urinare.

 Janë realizuar ekzaminime urodinamike të nivelit të par dhe ekzaminime cistometrike, trajtime uroterapiste, cistoskopi dhe trajtime endoskopike të refluksitveziko-ureteral Janë ekzaminuar edh shume fëmijë tjerë me anomali kongjenitale të traktit urinar.

 Bashkëpunimi me ekipin suedez nga Linkshoping do të vazhdojë edhe vitin e ardhshëm me synim që të fillohet edhe një projekt i ri bashkëpunimi në fushën e kujdesit emergjent dhe intenziv në pediatri,  përgatitje këto për funksionalizimin e Spitali të Fëmijëve që pritet të ndërtohet brenda dy vitesh si donacion nga Emiratet e Bashkuara Arabe.

Ekipin mjekësor nga klinikat e QKUK-së e përbënin: Dr. sc. Sadik Llullaku, Prof. Dr. Nexhmi Hyseni, Dr. mr.sc. Gani Çeku, infermieret,  Safete Shala, Myrvete Sopi, Burbuqe Berisha dhe Antigona Gashi, nga Klinika e Pediatrisë Dr. Valbona Stavileci, nga Klinika e Urologjisë,  Dr. Destan Kryeziu, infermierët Trëndelinë Pllana dhe Arsim Menxhiqi. 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)