16 Janar 2021

Dyfishohen dhe renovohen hapësirat e QMF-së në Zhur

Prizren, 18 shtator - Kryetari i Komunës së Prizrenit, Mytaher Haskuka, sot së bashku me drejtoreshën e Drejtorisë së Shëndetësisë, Narqize Arënliu Hoxhaj, kanë bërë përurimin e Qendrës së renovuar të Mjekësisë Familjare në fshatin Zhur.

Gjatë kësaj ceremonie, kryetari Haskuka ka njoftuar se QMF-ja e vjetër nuk i plotësonte kushtet për ofrimin e shërbimeve cilësore shëndetësore për banorët e fshatit më të madh të komunës së Prizrenit.

“Pikërisht për këtë arsye, objektit të vjetër të QMF-së në Zhur ia kemi shtuar edhe një kat, duke e dyfishuar hapësirën e kësaj qendre, si dhe kemi renovuar hapësirat e brendshme të katit të parë”, tha Haskuka.

Kryetari po ashtu njoftoi se nëpërmjet këtij investimi banorët e fshatit Zhur, përveç shërbimeve bazike mjekësore, tashmë në QMF-në e tyre do të kenë edhe shërbime për infuzione, laborator, shërbimet e diagnoztikës (si ultrazëri e EKG-ja) dhe këshillimore për nënat shtatzënë dhe fëmijë, pa pasur nevojë që të udhëtojnë për në Prizren.

Kalendari

Ngjarjet e datës 16 Dhjetor 2020

- Grupi për Studime Juridike dhe Politike mban konferencën për media me temë “Financimi i partive politike në Kosovë: Cilat janë problemet kryesore që po dëmtojnë transparencën dhe integritetin e financimit gjatë proceseve zgjedhore?”. (Hotel Sirius, ora 11:00)