30 Shtator 2020

BE dorëzon 5 milionë euro për luftimin e pandemisë në Kosovë

Prishtinë, 4 gusht - Udhëheqësi në Detyrë i Zyrës së BE-së, Riccardo Serri, i dorëzoi Ministrit të Shëndetësisë, Armend Zemaj, 30 ventilatorë për NJKI, 200 oksimetra pulsi dhe 20 elektrokardiografë për luftimin e COVID-19 në Kosovë.

Vlera totale e këtij donacioni është pothuaj 900,000 mijë euro, dhe është pjesë e ndihmës së BE-së për Kosovën për përballimin e pandemisë COVID-19. Furnizimet u prokuruan përmes Zyrës së Kombeve të Bashkuara për Shërbimet e Projekteve (UNOPS).

“Besoj se veçanërisht 30 ventilatorët e Njësisë së Kujdesit Intensiv mund të bëjnë dallim të madh dhe të lehtësojnë problemet e trajtimit për ata që preken më keq nga infeksioni Covid-19,” tha Serri. Ai nënvizoi se Kosova nuk mund ta përballojë një përkeqësim të mëtejshëm të situatës me Covid-19.
 
“Të gjithë duhet të marrin përgjegjësinë e tyre dhe të respektojnë rregullat, të tilla si mbajtja e distancës fizike, mbajtja e maska, larja e duarve, shmangia e turmave, siç bëjmë ne sot gjatë këtij eventi,” tha ai.
 
“Autoritetet e Kosovës duhet gjithashtu të prijnë dhe t’i japin luftës kundër pandemisë vëmendjen urgjente që meriton. Do ta shfrytëzoja këtë mundësi edhe për t’i bërë thirrje Qeverisë dhe institucioneve shëndetësore të bëjnë përgatitjet e nevojshme në lidhje me ndarjen buxhetore dhe burimet e tjera për t’u përgatitur sa më mirë që të munden,” tha Serri.

Në prill, maj, qershor dhe korrik, BE-ja e furnizoi Kosovën me 10 autoambulanca, 190 shtretër spitalorë, 6 mijë komplete testimi për COVID-19, 150 pompa infuzioni, 127 monitorues të pacientëve, 1.6 milion doreza të ndryshme mbrojtëse mjekësore, 127 mijë maska të frymëmarrjes FFP2, 60 mijë kominoshe njëpërdorimshe, 23 mijë mburoja për fytyrën, 3 mijë syze mbrojtëse, dhe pajisje të tjera mjekësore.

Përveç kësaj ndihme direkte për sektorin e shëndetësisë, BE-ja po e ndihmon Kosovën me rreth 63 milionë euro si masa afatmesme për ndihmë me grante socio-ekonomike, si dhe rreth 100 milionë euro kredi si ndihmë makro-ekonomike për Kosovën.
 

Kalendari

Ngjarjet e datës 30 Shtator 2020 - Komisioni për të Drejtat e Njeriut, Barazi Gjinore, për Persona të Pagjetur dhe Peticione takohet me Komision me përfaqësuesit e Komisionit  qeveritar për njohjen e statusit të ish të dënuarve dhe ish të përndjekurve politikë. (Ndërtesa e Kuvendit, salla N302, ora 10:00)

- Administrata Tatimore e Kosovës së bashku me Oden Ekonomike të Kosovës do të vizitojnë biznesin “Prishtina Mall”. (Zona industriale Prishtinë - Lipjan, tek rrethi i QMI-së, ora 10:00)

- Ministrja e Kulturës, Rinisë dhe Sportit, Vlora Dumoshi pret në takim sportistet e verbër. (kabineti i Ministres, ora11:00)

- Qendra Kosovare për Studime të Sigurisë organizon publikimin e raportit “Indeksi Kosovar i Reziliencës-Ekstremizmi i Dhunshëm në Kosovë: Çfarë mund të mësojmë nga rezilienca në komunitet?” (Hotel Swiss Diamond, ora 10:00)

- Mbahet mbledhja e katërt e rregullt për vitin 2020 të Kuvendit Komunal të Prizrenit. (Salla për mbledhjet e Kuvendit të Komunës së Prizrenit, tek “Shtëpia e Bardhë”, ora 10:00)

- Instituti Demokraci për Zhvillim organizon ceremoninë e nënshkrimit të Memorandumit të Bashkëpunimit për Procesin Zgjedhor. (Hotel Swiss Diamond, ora 10:00)

 - Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton raportin vjetor të Operatorit të Sistemit, Transmisionit dhe Tregut dhe të Autoritetit Rregullativ të Komunikimeve Elektronike dhe Postare. (Ndërtesa e Kuvendit, salla N10,, ora 11:00)

- Lëvizja Vetëvendosje mban konferencë për media. (Zyrët e LV-së në Arbëri, ora 11:00)

- Ministri i Ekonomisë dhe Ambientit, Blerim Kuçi nesër zhvillon vizitë në Komunën e Drinasit. (Ambientet e Komunës së Drinasit, ora 11:00)
 
- Administrata Tatimore e Kosovës së bashku me Oden Ekonomike të Kosovës do të vizitojnë biznesin “Ciao Berto”. (Magjistralja Prishtinë - Mitrovicë, km2, ora 11:30)

- Grupi i aktorëve të Prishtinës do mbajnë protestë pasi që kërkesat e tyre të deritanishme nuk janë realizuar. (Para objektit të vjetër të Komunës së Prishtinës, ora 12:00)

-  Komisioni për Buxhet dhe Transfere shqyrton në parim i Projektligjit për ndryshimin dhe plotësimin e Ligjit për financimin e subjekteve politike si dhe Ligjin për zgjedhje të përgjithshme në Republikën e Kosovës si dhe shqyrton raportin Vjetor të Bankës Qendrore të Republikës së Kosovës. (Ndërtesa e Kuvendit, salla C203, ora 13:00)
 
- Administrata Tatimore e Kosovës së bashku me Oden Ekonomike të Kosovës do të vizitojnë biznesin “Lesna”. (Rruga Lidhja e Pejës nr. 133 10000, ora 13:00)

-  Komisioni për Integrim Evropian shqyrton programin Kombëtar për zbatimin e Marrëveshjes së Stabilizim- Asociimit, i ftuar Zëvendëskryeministri Driton Selmanaj. (Ndërtesa e Kuvendit, salla N302, ora 13:30)

- Drejtoria Komunale e Arsimit e Komunës së Prizrenit do të pranojë një donacion me pajisje shkollore dhe tableta nga banka Raiffeisen, për fëmijët e familjeve me vështirësi ekonomike në komunën e Prizrenit. (Drejtoria Komunale të Arsimit në Prizren, ora 14:00)

- Fondacioni Shtatëmbëdhjetë organizon edicionin e tretë të Metamorphosis. (Objekti i Kryqit të Kuq, në rrugën "Xhemajl Prishtina", nr.36 te RTK-ja te pazari, ora 16:30)

- Në kuadër të javës së tretë të programit publik në Festivalin e Arkitektures në Kosovë. (Drejtperdrejt në faqen facebook-ut të Festivalin e Arkitektures, ora 18:30)