14 Dhjetor 2018

71% e burrave mendojnë se leja prindërore do të ishte e mirë për familjen

Prishtinë, 19 dhjetor - Instituti Demokraci për Zhvillim (D4D) në një konferencë që do të organizojë sot bën lansimin e punimit “Ndryshimi i paradigmës. Barazi përmes lejes prindërore”.

Qëllimi i kësaj konference është që të  prezantohet dokumenti pozicionues për leje prindërore duke përfshirë të gjeturat nga hulumtimi, përfitimet nga leja prindërore, modeli i  D4D-së për leje prindërore  si  dhe implikimet buxhetore në ligjin e punës.

Rritja e numrit të burrave që marrin leje prindërore konsiderohet të ketë ndikim pozitiv në avancimin e barazisë gjinore.

Aktualisht, ligji i punës ua mundëson baballarëve të marrin vetëm dy ditë pushim me pagesë (neni 50) dhe dy javë pushim pa pagesë, që mund të merren në çdo kohë para se fëmija të mbush moshën tre vjeçare.

Ndërsa sipas hulumtimeve më të fundit nga D4D, del se 71.6% e burrave të moshës 35-44 vjeçare në Kosovë dhe 62.5% e të punësuarve në sektorin privat mendojnë se leja  prindërore do të ishte një gjë e mirë për të gjithë familjen.

Përveç kësaj,  gjatë kësaj ngjarje do të ndahet çmimi për kompaninë  më të  mirë të vitit, e cila ka politika që mundëson balancë mes jetës dhe punës duke promovuar lejen e atësisë dhe/ose lejen prindërore.

Njëjtë, do të ndahen çmimet për baballarët e vitit, të cilët kanë marrë leje të atësisë dhe janë angazhuar në kujdes për fëmijët duke mundësuar kështu shpërndarje më të barabartë të detyrave brenda familjes.

Kalendari

Ngjarjet e datës 14 dhjetor 2018

- Mbahet seanca plenare e Kuvendit të Republikës së Kosovës në të cilën do të behët shqyrtimi i dytë i Projektligjit për Ministrinë e Mbrojtjes, shqyrtimi i dytë i Projektligjit për Forcën e Sigurisë së Kosovës dhe shqyrtimi i dytë i Projektligjit për shërbim në Forcën e Sigurisë së Kosovës. (Kuvendi i Kosovës, ora 10:00)  

- Në kuadër të “Javës Kundër Korrupsionit 2018” mbahet turneu kundër Korrupsion “Kosova Open 2018”. (Kino “Armata”,  ora 10:00)

- Misioni i Organizatës për Siguri dhe Bashkëpunim në Evropë në bashkëpunim me Asociacionin e Gazetarëve të Kosovës organizojnë tryezën "Roli i medias dhe shoqërisë civile në luftimin e korrupsionit". (Swiss Diamond Hotel, ora 10:00)

- Në kuadër të “Javës Kundër Korrupsionit 2018” mbahet tryeza me temë "Lufta Kundër Korrupsionit në Ballkan. (Hotel Sirius, ora 10:00)

- Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Prishtinës. (Hotel Sirius, ora 11:00)

- Let's Do It organizon aksion pastrimi në Plemetin të Obiliqt në kuadër të Fushatës "Ta Pastrojmë Kosovën". (Plemetin, ora 11:00)

- Aleanca Kosovare e Bizneseve dhe Qendra Tregtare "Plus Center “ organizon hapjen e ekspozimit dhe promovimit të prodhimeve vendore në kuadër të “Javëve të Biznesit Kosovar 2018” me moto: Unë Konsumoj Produkte Vendore, Po JU?. (Objekti i Qendrës Tregtare "Plus Center“ ne Ferizaj, ora 12:00)

- Koalicioni i OJQ-ve “Java Kundër Korrupsionit 2018” do të mbajë ngjarjen përmbyllëse të “Javës Kundër Korrupsionit 2018”, ku do të jenë prezent Ambasadorët e Shteteve Anëtare të QUINT, BE dhe Koalicioni i OJQ-ve. (Përpara Teatrit Kombëtar, ora 15:00)

- Fondi për të Drejten Humanitare organizon ligjëratën publike “Sot, 20 vite më parë: Rasti Panda”. (Qendra e Dokumentimit në bibliotekën Hivzi Sulejmani, rruga “Sadik Bekteshi” nr 16, ora 16:30)

- Federata Kosovare e Atletikës organizon manifestimin sportiv të atletikës "Laureatët e vitit – Gala Athletics2018”. (Miracle Beni Dona, Zona Industriale, ora 18:30)

- Shfaqet drama jokonvencionale e Mark Ravenhill lidhur me dy vëllezër identikë të cilët ritakohen pasi që janë rritur ndarazi më Gjermaninë lindore dhe perëndimore. (Ambienti i fondacionit “Shtatëmbëdhjetë”, rruga e Muzeu Etnologjik, ora 20:00)