18 Prill 2019

Zyrtarët e lartë publik mbajnë shumë poste të larta shtetërore njëkohësisht

Prishtinë, 18 mars - Sot, Lëvizja Vetëvendosje! mbajti konferecë për media në lidhje me zyrtarët e lartë publik të cilët jo vetëm që nuk luftojnë krimin dhe korrupsionin, por mbajnë shumë poste të larta shtetërore njëkohësisht.

Në konferencë u përmend rasti i Kryeprokurorit Lumnezi si një rast tipik me mbajtjen e pesë pozicioneve zyrtare njëkohësisht.

Anëtarja e Kryesisë dhe deputetja Albulena Haxhiu foli në lidhje me raportet e publikuar nga Transparency International, të Departamentit Amerikan të Shtetit dhe nga shumë kritika nga vetë ambasadorët që veprojnë në Kosovë të cilët kanë denoncuar fenomenin e mbajtjes së shumë posteve zyrtare nga personat e lartë publik.

“Kosova ka probleme serioze me sistemin e drejtësisë dhe ende nuk kemi parë veprim serioz të institucioneve të drejtësisë në raport me krimin e organizuar dhe korrupsionin."

"Ndikimet e mëdha të pushteteve të pasluftës mbi sistemin e drejtësisë, sidomos ndikimet e PDK’së, e kanë bërë këtë sistem joefikas dhe mosveprues. Pra, pikërisht këto ndikime ia kanë zënë frymën sistemit të drejtësisë”, tha Albulena Haxhiu.

Ajo po ashtu theksoi se me qenë kryeprokuror i shtetit në Kosovë, koha dhe vetë dita është e pamjaftueshme.

"Ne kemi kryeprokurorin e shtetit i cili, përveç se ka kontroll mbi sistemin prokurorial, ka edhe kontroll mbi prokurorët e rinj sepse është pjesë e akademisë, dhe vendos se kush do të jenë ata sepse është kryetari i Komisionit për provimin e Jurisprudencës.

Në Kosovë, papunësia çdo vit e më shumë po shënon rritje ku afër 40 % e popullësisë janë të papunë dhe mbi 18 % janë në varfëri ekstreme.

Ndërsa në anën tjetër kemi një grup njerëzish që mbajnë më shumë se dy, madje deri në gjashtë e shtatë, vende pune.

Ata i gjejmë në ekzekutiv, legjislativ, agjensione dhe sidomos në sistemin e drejtësisë. Kjo bëhet, së pari, për shkak të kontrollit që duan të kenë mbi gjithçka dhe, e dyta, për shkak të përfitimeve.

Aktivisti i Lëvizjes Avni Zogiani shtoi duke folur për zyrtarët publik të cilët vendosin interesin publik në rend të dytë duke u marrë në të njëjtën kohë edhe me veprimatari private përpos detyrave publike.

“Në raste kur zyrtari policor, apo edhe prokurori, kur gjendet para procedimit të hetimit të një veprimi konkret të një zyrtari tjetër, shumë shpesh priret nga interesi privat sesa nga interesi i zyrës publike që përfaqëson. Në këtë mënyrë, punët e shumëfishta të zyrtarëve të ndryshëm janë kthyer në mbrojtje të krimit dhe korrupsionit”, tha Avni Zogiani.

Dy nga problemet kryesore të Kosovës janë mungesa e zhvillimit ekonomik dhe korrupsioni e krimi i organizuar; probleme shumë të ndërlidhur mes vete. Ne, qytetarët e këtij vendi, duhet të angazhohemi së bashku në mënyrë që ta nxjerrim vendin nga kjo mendësi qeverisëse dhe nga ky shpërfytyrim i interesit publik.

Kalendari

Ngjarjet e datës 19 prill 2019 - Klinika e Kirurgjisë së Fëmijëve në Qendren Klinike Universitare i fillon punimet Simpoziumi mbarëshqiptarë i kirurgëve të fëmijëve. (Hotel Internacional Prishtina, ora 8:40)

- Programi i Kombeve të Bashkuara për Zhvillim në bashkëpunim me Agjencinë për Menaxhimin e Emergjencave dhe partneri implementues, Kryqi i Kuq i Kosovës, do të organizojnë një ushtrim fushor në fshatin Maxhunaj në komunën e Vushtrrisë. (Fshati Maxhunaj, ora 10:00)

- Shtëpia Botuese “Faik Konica” organizon promovimin e librit të Dr. Islam Lauka, “Kosova e kërcënuar nga gjarpri i shtëpisë”. (Bibliotekën Kombëtare, ora 11:00)

- Ministri i Kulturës, Rinisë dhe Sportit, Kujtim Gashi, bashkë me kryetarin e Kuvendit të Kosovës, Kadri Veseli, do të bëjnë shpërndarjen e kontratave për 21 përfituesit e granteve nga Fondi Rinor që për qëllim kanë rritjen e punësimit për të rinjtë e vendit tonë përmes zhvillimit të ndërmarrësisë. (Hotel Sirius, ora 11:00)

- Koordinatori Nacional për Kulturë, Rini dhe Sport, Rexhep Hoti së bashku me Kryetarin e Komunës së Gjilanit, Lutfi Haziri, do të përcjellin garën komunale në Kreativitet Kulturor dhe Mendim Kritik. (Objekti i Gjimnazit Natyror "Xhavit Ahmeti" në​ Gjilan, ora 13:30)

- Drejtoresha e misionit të USAID-it Lisa Magno do të flasë me rastin e lançimit të faqes së re të internetit të Këshillit Gjyqësor të Kosovës (KGjK). (Sheshi 21, ora 15:00)

- Federata e Atletike të Kosovës do të mbaj konferencë për media në të cilën do të jepen informatat kryesore rreth organizimit të gjysmë maratonës së këtij viti. (Salla e shtëpisë së sporteve në Prishtinë, ora 15:00)

- Galeria e Qytetit të Gjilanit hap ekspozitën e veçantë të fotografive “Arti i Rrudhave”, të autorit Muhamed Sadriu, e cila do të shpalos fotorgafitë e 21 personave të cilët i kanë mbi 100 vjet, e që e simbolizon shekullin XXI. (Galeria e Qytetit të Gjilanit, ora 17:30)

- Galeria Kombëtare e Kosovës hap ekspoziten "Grouping - Moving - Spreading" Metaxym e cila është kuruar dhe organizuar nga The Activists dhe World Anonimous Society. (Galeria Kombëtare e Kosovës, ora 20:00)

- Lumbardhi do të prezantojë paraqitjen e parë të këngëtares dhe kompozitores amerikane Chrysta Bell në Kosovë në kuadër të turneut Feels Like Love 2019 dhe epizodit të dytë të Lumbardhi n’Behar. (Lumbardhi në Prizre, ora 21:00)