15 Gusht 2020

Zëvendëskryeministri Manaj viziton Parlamentin Evropian

Prishtinë, 3 shtator - Një delegacion i Qeverisë së Republikës së Kosovës, kryesuar nga zëvendëskryeministri Ramë Manaj, nga data 6 deri më 10 shtator 2010, do të vizitojë Parlamentin Evropian në Strasburg.

Gjatë kësaj vizite, zëvendëskryeministri Manaj do të ketë takime të rëndësishme, në të cilat do të kërkojë thellimin e bashkëpunimit me Parlamentin dhe institucionet evropiane për promovimin e shtetësisë së Kosovës dhe konsolidimin e mëtejmë të saj.

Zëvendëskryeministri Manaj gjatë kësaj vizite do të pritet nga kryetari i Parlamentit Evropian, z. Jerzy Buzek. Po ashtu, z. Manaj do të ketë një takim edhe me raportuesen për Kosovën në Parlamentin Europian, znj. Ulrike Lunacek, me shefin e grupit më të madh parlamentar, atë të Partive Popullore të Evropës, z. Joseph Daul, si dhe me përfaqësues të tjerë të Parlamentit.

Gjatë qëndrimit në Strasburg, Manaj do të bëjë të qartë qëndrimin e shtetit të Kosovës për procesin e integrimeve, si dhe do të diskutojë mundësinë e thellimit të bashkëpunimit me institucionet e BE-së, Parlamentin, Këshillin e Ministrave dhe Komisionin Evropian dhe çështjen e liberalizimit të vizave. Pjesë e diskutimeve do të jetë edhe raporti i progresit i Komisionit Evropian.

Vizita e zëvendëskryeministrit Manaj zhvillohet në prag të diskutimeve në Asamblenë e Përgjithshme të Kombeve të Bashkuara, në kohën e afrimit të datave për hartimin e Raportit të Progresit nga Komisioni Evropian, si dhe në vazhdën e përmbushjeve të kritereve teknike dhe politike nga Qeveria e Kosovës për të marrë udhërrëfyesin për liberalizim të vizave për Kosovën në vjeshtë të këtij viti.
 

Kalendari

Ngjarjet e datës 15 Gusht 2020

Me rastin e 22 vjetorit të rënies së dëshmorit të kombit, Remzi Ademaj - Komandant Petriti, Komuna e Prizrenit në bashkëpunim me Shoqatën e Veteranëve të Luftës organizon aktivitete përkujtimore.

10:00 - Homazhe në varrezat e dëshmorëve në Landovicë

10:30 - Homazhe tek vendi i rënies në Nashec

11:00 - Homazhe tek monumenti i Lirisë

11:30 - Dhënia vullnetare e gjakut në repartin e transfuzionit të gjakut në Spitalin Rajonal të Prizrenit.

Për shkak të distancës nga qyteti, për këtë aktivitet do të ketë transport të organizuar nga ana e Komunës. Nisja do të bëhet në ora 9:15 nga Shtëpia e Bardhë.