24 Tetor 2018

VV kërkon debat parlamentar për katër aktivistët e dënuar

Prishtinë, 6 dhjetor - Lëvizja Vetëvendosje! mbajti sot konferencë për media në lidhje me dënimin ndaj Adea Batushës, Atdhe Arifit, Egzon Halitit e Frashër Krasniqit.

Duke ritheksuar se dënimi ndaj tyre është i padrejtë dhe pa asnjë provë, deputeti dhe anëtari i Kryesisë, Sami Kurteshi, paralajmëroi se në lidhje me këtë çështje dhe rastin e vdekjes së Astrit Deharit, do të kërkohet debat parlamentar.

Kurteshi tha se po bëhen 20 ditë nga vendimi i Gjykatës Themelore, duke shtuar se në mënyrë të kundërligjshme po vonohet Aktgjykimi. E, këto vonesa, Kurteshi i quajti po ashtu zvarritje të qëllimshme që synojnë ta tërheqin vëmendjen nga dënimi i pabazë ndaj katër aktivistëve.

“Dënimi është krejtësisht i pabazuar, por i motivuar dhe i nxitur thjesht politikisht. As prokurori e as gjykata nuk kanë pasur asnjë fakt, dëshmi për fajësinë e aktivistëve. Dënimi është bazuar vetëm në hamëndesime dhe perceptime krejtësisht të pabazuara, e kjo dëshmon për prapaskenë politike”, tha ndër të tjera Sami Kurteshi.

Ai shtoi po ashtu se dëshmitë e fabrikuara janë dëshmuar si të pavërteta edhe nga forenzika e Policisë së Kosovës, por edhe nga FBI, si dhe nga dëshmitarët e rastit.

Kurse, Kurteshi potencoi gjithashtu se njëri nga të dënuarit, Frashër Krasniqi, përkundër që është deputet, gjykata asnjëherë nuk e ka informuar Kuvendin për asrsyet e dënimit të tij.

“Lëvizja Vetëvendosje! nuk do të pushojë asnjëherë për të kërkuar drejtësi  për aktivistët e dënuar dhe për vrasjen e Astrit Deharit në burg.  Lëvizja Vetëvendosje! sot e dorëzon në Kuvend kërkesën për debat parlamentar për rastin e dënimit të aktivistëve”, tha më tutje Kurteshi.

Në fund, ai tha se është momenti i fundit për gjetjen e kryerësve të gjuajtjes së Kuvendit, duke u shprehur se Lëvizja Vetëvendosje! nuk frikësohet e as nuk do të ndalet për ta vënë drejtësinë ligjore në vend, duke thënë se ky është përkushtim moral, ligjor e politik i yni.
 

Kalendari

Ngjarjet e datës 24 tetor 2018 - Kryeministri i Republikës së Kosovës, Ramush Haradinaj gjatë vizitës zyrtare në Shkodër, do të zhvillojë homazhe te shtatorja e Isa Boletinit. (Shkodër, ora 9:00)

- Universiteti i Prishtinës “Hasan Prishtina” dhe Zyra e UNICEF-it në Kosovë organizojn konferencën me titull “Ndërtimi i partneritetit për ndryshime pozitive sociale në Kosovë”. (Swiss Diamond Hotel, ora 9:15)

- Kryeministri i Republikës së Kosovës, Ramush Haradinaj viziton Bashkinë e Shkodrës në Shqipëri ku do te takohet me kryetaren e Bashkisë, Voltana Ademi. (Bashkinë e Shkodrës, ora 9:30)

- Mbahet mbledhja e Komisionit për Shëndetësi, Punë dhe Mirëqenie Sociale në të cilën do të behët formimi i grupit punues për monitorimin e Ligjit për Produkte dhe Pajisje Medicinale. (Ndërtesa e Kuvendit, salla N 303, ora 10:00)

- Ministria e Kulturës, Rinisë dhe Sportit organizon një ceremoni solemne në të cilën do të bëjë ndarjen e Çmimit Kombëtar për Veprimtari Jetësore “Niketë Dardani” për vitin 2017 dhe çmimeve tjera vjetore për muzikë. (Kabineti i ministrit, ora 11:00)

- Ministri i Ministrit të Arsimit, Shkencës dhe Teknologjisë, Shyqiri Bytyqi raporton para Komisionit për të Drejtat, Interesat e Komuniteteve dhe për Kthim lidhur me çështjen e regjistrimit të pjesëtarëve të komunitetit shumicë për vendet e rezervuara të studentëve të komunitetit joshumicë dhe vendeve të rezervuara në Qendrën e Studentëve. (Ndërtesa e Kuvendit, salla N204, ora 11:00)

- Ministri i Infrastrukturës Pal Lekaj merr pjesë në përurimin e rrugës  Gjakovë-Ponoshec dhe fillimin e punimeve në rrugën Smolicë-Nivokaz. (Ura e Erenikut në dalje të Gjakovës, ora 11:00)

- Mbahet mbledhja e Komisionit për Mbikëqyrjen e Financave Publike në të cilën do të behë shqyrtimi dhe miratimi i rekomandimeve nga raporti i auditimit për Pasqyrat Vjetore Financiare të Stacionit të Autobusëve Prishtinë. (Ndërtesa e Kuvendit, salla N 225, ora 11:00)

- Komisioni për Shëndetësi, Punë dhe Mirëqenie Sociale i Kuvendit të Kosovës, do ta vizitoj Kliniken e Onkologjisë në QKUK, dhe do të takohet me Ekrem Hyseni, drejtor i klinikes. (Kliniken e Onkologjisë, ora 11:30)

- Bëhet promovimi i librit monografik “Nëna ime Mihane Lama” i gjeneralit të mirënjohur, Kudusi Lama. (Instituti Albanologjik, ora 12:00)

- Ministria e Tregtisë dhe Industrisë do të bëj asgjësimin e lodrave të konfiskuara nga inspektorati i MTI-së.  (Kishnicë, Komuna e Graçanicës, ora 13:00)

- Qendra për Paqe dhe Tolerancë në përkrahje nga OSBE dhe në bashkëpunim me Komunën e Gjilanit dhe me shkollat e mesme në këtë komunë, organizon aktivitetin e pastrimit të Parkut të Qytetit në Gjilan. (Parku i Qytetit në Gjilan, ora 13:00)

- Let’s Do It Kosova në bashkëpunim me Organizatën “Paqja studentore” organizojn aksion pastrimi në hapësirat e Kampusit të Universitetit të Prishtinës “Hasan Prishtina”. (Kampusi i Universitetit të Prishtinës, ora 13:30)

- Kryetari i komunës se Deçanit, Bashkim Ramosaj dhe sportistë të Klubit te Futbollit "Bardhosh Gërvalla" nga Gjermania vizitojnë kompleksin e varrezave të heronjve  në Dubovikë. (Dubovikë, pra 15:30)

- Organizata për Rritjen e Cilësisë në Arsim bën publikimin e analizës për menaxhimin e financave lidhur me pagesat që i bëhen stafit akademik në UP. (Hotel Sirius, ora 15:30)

- Kryetari i komunës se Deçanit, Bashkim Ramosaj dhe sportistë të Klubit te Futbollit "Bardhosh Gërvalla" nga Gjermania vizitojnë kompleksin memorial "Dëshmorët e Kombit" në Gllogjan. (Gllogjan, ora 16:00)

- Brendi vendor i veshjeve për gra dhe burra Mr.Rex në bashkëpunim me rrjetin e grave të Kosovë organizon mbremja e bamirësisë për gruan me ç’rast në event do mblidhet një donacion i cili do t’iu shkojë në ndihmë grave të prekura nga kanceri I gjirit. (Hotel Emerald, ora 18:00)