10 Korrik 2020

Veriu, seancë e jashtëzakonshme e Kuvendit të Mitrovicës

Mitrovicë, 28 maj - Sot duke nisur nga ora 10:00 do të mbahet seancë e jashtëzakonshme e Kuvendit të Komunës së Mitrovicës, ku do të shqyrtohet gjendja e krijuar në veri pas paralajmërimit për mbajtjen e zgjedhjeve me 30 maj nga shteti fqinj Serbia, në këtë pjesë të Kosovës. 

Për këtë është vendosur në seancën e së enjtes, ku këshilltarët komunalë në mënyrë unanime kanë vendosur që seancën e rregullt të shtyjnë për të hënën për shkak të situatës së krijuar, ndërsa të premten të mbahet seancë e jashtëzakonshme ku janë ftuar për të marrë pjesë edhe ministri i Punëve të Brendshme, Bajram Rexhepi, ministri për Administrimin e Pushtetit Lokal, Sadri Ferati dhe koordinatori për implementimin e strategjisë për integrimin e veriut, Ylber Hysa.  

Edhe Kuvendi i Republikës së Kosovës në mbledhjen e djeshme i ka kërkuar Qeverise se Republikës së Kosovës që në koordinim me faktorët relevantë ndërkombëtarë, të ndalojë  aktivitetet të cilat zhvillohet në territorin e Republikës së Kosovës jashtë sistemit politik dhe kushtetues të Republikës së Kosovës, duke përfshirë:

Marrjen e masave për ndalimin e organizimit të zgjedhjeve lokale dhe ushtrimit të veprimtarive të Qeverisë së Republikës së Serbisë në territorin e Republikës së Kosovës, përfshirë, ndalimin e vizitave të zyrtarëve të Republikës së Serbisë pa lejen e Institucioneve të Republikës së Kosovës, dhe

Hartimin e planit aksional në koordinim me faktorët e tjerë relevantë për zhbërjen  e strukturave të pushtetit të Qeverisë së Republikës së Serbisë në veri të Republikës së Kosovës. 


Ndryshe Serbia zhvillon të dielën zgjedhjet lokale për komunën e veriut të Mitrovicës, në Kosovë. Qeveria e Kosovës dhe përfaqësuesit e BE-së i vlerësojnë këto zgjedhje të jashtëligjshme.

Kalendari

Ngjarjet e datës 10 Korrik 2020

- Shoqata e Radio Taxive “Pasagjeri” organizon protestë për shkak të mosplotësimit të kërkesave nga Komuna e Prishtinës. (Nisj nga rrethrrotullimi “Te Fontana” në Ulpianë, ora 10:00)

- Drejtoria e Turizmit dhe Zhvillimit Ekonomik do të bëjë hapjen e Qendrës Artizanale në Prizren, ku do të mbahen pesë kurse të ndryshme si: Djegie ne Dru, Reliev në letër, Rrobaqepje, Punim të Shajakut si dhe Dizajnimi i Veshjeve Moderne. (ish objektin e Megasportit në qendër të Prizrenit, ora 11:00)

- Ministri i Ekonomisë dhe Ambientit, Blerim Kuçi do të vizitojë Komunën e Gjakovës ku do të takohet me Kryetarin e Komunës së Gjakovës Ardian Gjini. (Komuna e Gjakovës, ora 11:00)

- Vazhdimi i seancës plenare të Kuvendit të Republikës së Kosovës. (Salla e Kuvendit, ora 11:00)

- Banorët e lagjes “Qendra” protestojnë, të pakënaqur me parkingjet dhe shërbimet komunale. (Rr.“Rexhep Luci”, ora 11:00)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë Ndërmarrjen publike ‘’KRU Gjakova’’. (Gjakovë, ora 11:30)

- Komitetit Emergjent të Gjilanit mban konferencë për media pas 27 rasteve të reja pozitive me COVID-19. (Qendra Operative Emergjente, Qendra e Studentëve, ora 11:30)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë Impiantin e Trajtimit të Ujërave të Ndotura projekt që është duke u realizuar në Komunën e Gjakovës. (Gjakovë, ora 11:50)

- Ministri i Drejtësisë, Selim Selimi mban konferencë për media. (Ministria Drejtësisë, salla 914, ora 12:00)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë ndërmarrjen publike Ngrohtorja e Qytetit – ndërtimi i Ngrohtores së re të qytetit Impianti I koogjenerimit me biomasë, projekt që është duke u realizuar në Komunën e Gjakovës. (Gjakovë, ora 12:20)

- Mbahet seanca plenare e Kuvendit të Republikës së Kosovës në të cilën raporton Kryeministri lidhur me menaxhimin e pandemisë COVID-19. (Salla e Kuvendit, ora 16:00)