09 Korrik 2020

Thaçi takon Kermabon

Prishtinë, 17 maj - Kryeministri i Republikës së Kosovës, Hashim Thaçi priti sot në takim të rregullt shefin e Misionit të EULEX-it, Iv de Kermabon, që shoqërohej nga udhëheqësi i Komponentit së Drejtësisë në këtë mision, Alberto Perduca, i cili këto ditë përfundon misionin në e tij në kuadër të EULEX-it.

Kryeministri Thaçi me këtë rast falënderoi z.Perduca për punën e tij në kuadër të angazhimeve në misionin e EULEX-it.

“Jam shumë i kënaqur me bashkëpunimin ndërmjet Qeverisë së Republikës së Kosovës dhe EULEX-it dhe e falënderoj z. Alberto Perduca për kontributin e tij personal, veçanërisht për punën e tij me zëvendës Kryeministrin dhe ministrin e Drejtësisë” – theksoi Kryeministri Thaçi.

Nga ana e tij, udhëheqësi i deritanishëm i Komponentit të Drejtësisë në kuadër të misionit të EULEX-it, Alberto Perduca, falënderoi kryeministrin Thaçi për angazhimet e tij dhe të Qeverisë së Republikës së Kosovës për reformimin e sistemit të drejtësisë dhe për forcimin e sundimit të rendit dhe ligjit në vend.

Z.Perduca theksoi se Komponenti i Drejtësisë i EULEX-it dhe institucionet e Kosovës kanë raporte shumë konstruktive.

“Dua të falënderoj kryeministrin Thaçi për mbështetjen dhe përkushtimin e tij për reformimin e sistemit të drejtësisë dhe për sundimin e rendit dhe ligjit. Ndryshimet e vërteta dhe përmirësimet afatgjata mund të arrihen vetëm përmes vazhdimit të punës sonë të përbashkët në këtë fushë” – u shpreh z.Alberto Perduca.
 

Kalendari

Ngjarjet e datës 9 Korrik 2020 - Mbahet mbledhja e Qeverisë së Kosovës. (Ndërtesa e Qeverisë, ora 9:00)

- Vazhdimi i seancës plenare të Kuvendit të Republikës së Kosovës në të cilën do të behët votimi dhe shqyrtimi i disa Projektligjeve për ratifikimin e Marrëveshjeve ndërkombëtare. (Salla e Kuvendit, ora 10:00)

- Komuna e Prizrenit bën përurimin e stadiumit në Sërbicë të Poshtme, projekt i realizuar nga Drejtoria për Kulturë, Rini dhe Sport ku do të jetë i pranishëm kryetari i Komunës së Prizrenit, Mytaher Haskuka dhe drejtoresha e DKRS-së, Emilija Redzepi. (Nisja do të bëhet nga Shtëpia e Bardhë në Prizren, ora 10:30)

- Vazhdimi i seancës plenare të Kuvendit të Republikës së Kosovës në të cilën do të behët  votimi i Propozim rezolutës nga Raportimi i Kryeministrit të Republikës së Kosovës dhe debati parlamentar lidhur me dialogun Kosovë - Serbi. (Salla e Kuvendit, ora 10:30)

- Në nderim të ushtarit amerikan Alexander Blake Klass, 20 vjeçar nga Willamina e Oregonit, që ka humbur jetën në një incident, që nuk kishte të bënte me veprim të armatosur, Shoqata "Miqtë e Amerikës" do ta ulin në gjysëm shtizë flamurin amerikan. (Sheshi “Bill Clinton” në Prishtinë, ora 11:00)

- Mbahet Seanca plenare e Kuvendit të Republikës së Kosovës. (Salla e Kuvendit, ora 11:00)

- OVL e UÇK-së mban protestë gjithëpopullore me moton “Në mbrojtje të Luftës Çlirimtare”. (Prishtinë dhe qytetet e tjera të Kosovës, ora 12:00)

- Lëvizja Vetëvendosje mban konferencë për media në të cilën flet Albulena Haxhiu. (Zyret e LV-së në Arbëri, ora 13:00)

- Mbahet mbledhja e jashtëzakonshme e Kuvendit Komunal të Rahovecit, në të cilën do të behët shqyrtimi dhe aprovimi i Propozim vendimit për bartjen e mjeteve nga rezervat e buxhetit komunal, nga kategoria pozicionit të pagave në kategorinë e Investimeve Kapitale. (Salla e mbledhjeve të Kuvendit Komunal në objektin e ri të komunës, ora 14:00)

Mbledhja do të mbahet në sallën e mbledhjeve të Kuvendit Komunal, në objektin e ri të komunës.

- Mbahet një takim pune i organizuar nga Ministria e Ekonomisë dhe Ambientit në të cilin do të diskutohet dokumenti - Plani Hapësinor i Parkut Kombëtar Bjeshkët e Nemuna. (Ndërtesa e re e Qeverisë ish-Rilindja, salla e konferencave, kati XVIII, ora 15:00)