05 Korrik 2020

Thaçi në Bruksel, takime me udhëheqësit e lartë

Bruksel, 17 qershor - Kryeministri i Republikës së Kosovës, Hashim Thaçi ka udhëtuar dje për një vizitë zyrtare në Bruksel.

Me këtë rast, kryeministri Thaçi do të zhvillojë takime me udhëheqës të lartë të Bashkimit Evropian, NATO-s dhe shtetit belg.

Kryeministri kosovar do të pritet në Bruksel nga përfaqësuesja e lartë e BE-së për politikë të jashtme dhe siguri, baronesha Catherine Ashton dhe nga komisioneri për zgjerim i BE-së, Stefan Fule.

Kryeministri Hashim Thaçi në selinë e Aleancës Veriatlantike të NATO-s do të pritet nga sekretari i përgjithshëm, Anders Fogh Rasmussen.

Gjithashtu, ai do të zhvillojë një takim edhe me homologun e tij, kryeministrin e Belgjikës, Yves Leterme, shteti i të cilit që nga data 1 korrik do të marrë udhëheqjen e presidencës së radhës së Bashkimit Evropian.

Në takimet e kryeministrit Thaçi me udhëheqësit e lartë të BE-së do të rikonfirmohet thellimi i Kosovës në të gjitha përkushtimet ndaj perspektivës evropiane të Kosovës, me theks të veçantë çështjet që kanë të bëjnë me liberalizimin e vizave, për marrëveshjen tregtare me BE-në dhe çështje të tjera me interes.

Pas marrjes së pyetësorit për Marrëveshje Tregtare me BE-në, në muajt në vijim Kosova pret marrjen e udhërrëfyesit për liberalizimin e vizave.

Në takimin me sekretarin e përgjithshëm të NATO-s, Anders Fogh Rasmusen, kryeministri Thaçi do të prezantojë zhvillimet pozitive në sigurinë dhe stabilitetin e vendit.

Kalendari

Ngjarjet e datës 5 Korrik 2020

- Ministrja e Kulturës, Rinisë dhe Sportit, Vlora Dumoshi Inspekton investimet në fushën e futbollit në fshatin Novosellë të Pejës. (Fshati Novosellë, ora 13:00)

- Kryeministri Avdullah Hoti pret në takim drejtuesit e institucioneve shëndetësore. (Ndërtesa e Qeverisë, ora 13:00)

- Ministrja e Kulturës, Rinisë dhe Sportit, Vlora Dumoshi viziton shpellën “Bukuroshja e Fjetun”, promovim i turizmit kulturor. (Pejë, ora 13:30)

 - Ministrja e Kulturës, Rinisë dhe Sportit, Vlora Dumoshi viziton Garën ndërkombëtare e automobilizimit “Kulla 2020”. (Pejë, ora 15:30)