05 Qershor 2020

Sveçla vizitoi Ipeshkvinë e Kosovës

Prishtinë, 29 mars - U.d Ministri i Punëve të Brendshme dhe Administratës Publike, njëherësh Koordinator i Grupit Ndër-institucional, Xhelal Sveçla, ka vizituar Ipeshkvinë e Kosovës, ku është pritur nga Ipeshkvi, Dodë Gjergji.

Qëllimi i këtij takimi ishte përcjellja mesazheve në kuadër të fushatës intensive që janë duke bërë institucionet e Kosovës, në veçanti Ministria e Punëve të Brendshme dhe Administratës Publike, për t’i bindur qytetarët e Kosovës që t’i zbatojnë vendimet e marra nga Qeveria e Republikës së Kosovës dhe të qëndrojnë në shtëpitë e tyre.

Me këtë rast ministri Sveçla kërkoi nga Ipeshkvi i Kosovës, z. Dod Gjergji që të përdorë autoritetin e kishës katolike në Kosovë, që krahas institucione të shtrijnë ndikimin e tyre për t’i bindur të gjithë besimtarët  dhe të gjithë qytetarët në përgjithësi, që daljet nga shtëpitë e tyre t’i bëjnë vetëm atëherë kur është e domosdoshme.

U. D Ministri Sveçla vlerësoi se në bazë të gjitha rekomandimeve që janë bërë në luftimin e Covid 19, vlerësohet se shmangia e kontakteve dhe qëndrimi i qytetarëve nëpër shtëpitë e tyre, janë masat më të mira në parandalimin e përhapjes së këtij virusi.

Ndërsa Ipeshkvi, Dodë Gjergji, vuri në dukje se do të intensifikojë angazhimin e tij, së pari tek komuniteti katolik, por dhe tek të gjithë qytetarët e Republikës së Kosovës që të ndjekin me kujdes udhëzimet e institucioneve të Republikës së Kosovës për të qëndruar në shtëpi.

Ai tha se qytetarët e Kosovës kanë përballuar sfida edhe më të mëdha, prandaj  edhe kësaj radhe bashkërisht do t’ia dalin.
 

Kalendari

Ngjarjet e datës 5 Qershor 2020 - Pranimi i detyrës nga Ministri i zgjedhur, Selim Selimi. (Ministrinë e Drejtësisë, objekti ish-Rilindja, ora 9:00)

- Fillon pastrimi i deponisë inerte në fshatin Lebane. (Përfundimi i autostrades në anën e djathtë, ora 10:00)

- Mahet mbledhja e komisionit për Mbikëqyrjen e Financave në të cilën do të behët shqyrtimi i raportit të auditimit për Pasqyrat vjetore financiare të Ministrisë së Drejtësisë. (Ndertesa e Kuvendit, salla  N302, ora 10:00)

- Në kuadër të fushatës "Ta Pastrojmë Kosovën", Komuna e Prizrenit do t'i bashkëngjitet fushatës globale "Dita e Pastrimit të Botës 2020”, për të promovuar rëndësinë e kujdesit ndaj mjedisit, duke marrë për bazë faktin se ky aktivitet do të promovohet në nivel global. (Brigjet e liqenit të Vërmicës, ora 10:30)

- Për Ditën Botërore të Mjedisit, Instituti për Politika Zhvillimore organizon panelin e diskutimit me titull “Tani është koha për natyrën!”. (Hotel Sirius, ora 11:00)

- Kryetari i degës së PDK-së në Prizren Shaqir Totaj, do të mban një konferencë për Media. (Zyret e degës në Prizren, ora 11:00)

- Mbahet mbledhja e Qeverisë së Kosovës. (Ndërtesa e Qeverisë, ora 12:00)

- Ministri i Ekonomisë dhe Ambientit, Blerim Kuçi, pranon detyrën. (Ndërtesa e Ministrisë se Ekonomisë dhe Ambientit, ish-objekti i MZHE-së, ora 13:00)

- Ekipa qëndrore e “Ta Pastrojmë Kosovën” së bashku me vullnetarët fillon aktivitetet në Komunën e Suharekës, ku do të ketë aksion pastrimi dhe mbjellje, në bashkëpunim me komunën e Suharekës. (Suharekë, ora 14:30)

- Kryeministri Avdullah Hoti pret në takim ambasadorin e Shteteve të Bashkuara të Amerikës në Kosovë, Philip Kosnett. (Ndërtesa e Qeverisë, ora 15:45 - vetëm pamje)