31 Mars 2020

Steinberg: Do të punojmë për konsolidimin e shtetit të Kosovës

Prishtinë, 8 prill - Ministri i Punëve të Jashtme i Republikës së Kosovës, Skender Hyseni është takuar sot me zv/sekretarin e shtetit amerikan James Steinberg, i cili po viziton Prishtinën.

Gjatë takimit shumë përmbajtjesor dhe miqësor, ministri Hyseni dhe zv/sekretari i shtetit amerikan Steinberg, biseduan për çështje të cilat kishin në fokus Kosovën dhe zhvillimet në të dhe rreth saj.

Ministri Hyseni e njohu bashkëbiseduesin me progresin në Kosovë dhe me zhvillimet e brendshme, ndërkaq nga ana e tij zv/sekretari amerikan i shtetit Steinberg i rikonfirmoi ministrit Hyseni mbështetjen e vazhdueshme të SHBA-ve për Kosovën dhe shtetndërtimin e saj.

“Do të vazhdojmë të punojmë shumë për konsolidimin e shtetit të Kosovës”, theksoi mes tjerash Steinberg.

Temë e bisedës ishte edhe procesi i njohjeve, i cili nga të dy bashkëbiseduesit u vlerësua si shumë i rëndësishëm.

Në vazhdën e kësaj teme, zv/sekretari i shtetit Steinberg e siguroi ministrin Hyseni për mbështetjen e mëtejme të SHBA-ve në çuarjen përpara të këtij procesi.

Në takim, gjithashtu u fol edh për pjesëmarrjen e Kosovës në nismat rajonale e ato evropiane, përçka ministri Hyseni potencoi se “Kosova do të marrë pjesë në këto nisma e takim vetëm si e barabartë m shtetet e tjera”.

Në takim midis ministri Hyseni dhe zv/sekretari amerikan të shtetit Steinberg u rikonfirmuan edhe njëherë miqësia mes Kosovës dhe SHBA-ve.
 

Kalendari

Ngjarjet e datës 30 mars 2020

- Oda Ekonomike e Kosovës do të mbajë konferencë për media lidhur me propozimin për mbështetjen e sektorit privat pas përhapjes së pandemisë COVID-19. (Objekti i Odës Ekonomike të Kosovës, ora 10:00)

- Komuna e Rahovecit mban mbledhjen e rregullt të Kuvendit Komunal. (Salla e mbledhjeve të Kuvendit Komunal, Rahovecit, ora 10:00)

- Aleanca Kosovare e Bizneseve mban konferencën për media me temë "AKB reagon ndaj Propozimit të Pakos së Qeverisë për mbështetjen e bizneseve". (Zyret e AKB-ës, ora 12:00)

 

- Kryetari i Komunës së Prizrenit, Mytaher Haskuka, drejtori i Drejtorisë së Shëndetësisë dhe njëkohësisht koordinator i shtabit emergjent, Visar Shehu, dhe drejtori i Drejtorisë së Administratës, Osman Hajdari mbajn konferencë për media lidhur me masat e ndërmarra nga Komuna e Prizrenit kundër pandemisë COVID-19. (Shtëpinë e Bardhë ora 14:00)

 

- Nataliya Apostolova, Shefja e Zyrës së BE-së në Kosovë në prani të Kryeministrit në detyrë, Albin Kurti dhe Ministrit në detyrë të Shëndetësisë, Arben Vitia do të nënshkruajë sot një kontratë me vlerë 5 milionë euro për nevoja të menjëhershme të Kosovës për luftimin e pandemisë COVID-19. (Ceremonia e sotshme e nënshkrimit do të transmetohet drejtpërdrejt në Facebook përmes faqes së BE-së në Kosovë @EuropeanUnionInKosovo, ora 17:00)