20 Tetor 2018

Sot nis fushata e raundit të dytë zgjedhor

Prishtinë, 13 nëntor - Edhe zyrtarisht sot do të nis fushata për raundin e dytë të zgjedhjeve lokale të cilat do të mbahen më 19 nëntor.

Fushata e balotazhit do të zhvillohet në 19 komuna dhe do të zgjasë 5 ditë, ku kandidatët për kryetarë komunash do të shpalosin programin e tyre qeverisës.

Në komunën e Parteshit zgjedhjet do të zhvillohen për asamblistë, pas vendimit të KQZ-së  i cili ka konstatuar parregullsi të mëdha që kanë ndikuar në procesin e votimit të 22 tetorit.

Kandidatët që garojnë janë:

Në Prishtinë Shpend Ahmeti nga Vetëvendosja dhe Arban Abrashi nga LDK-ja.

Në Gjakovë Ardian Gjini nga AAK-ja dhe Mimoza Kusari-Lila nga Alternativa

Në Gjilan Lutfi Haziri nga LDK-ja dhe Sami Kurteshi nga Vetëvendosje

Në Dragash Selim Kryeziu nga LDK-ja dhe Shaban Shabani nga PDK-ja

Ne Istog Haki Rugova nga LDK-ja dhe Gani Dreshaj nga AAK-ja

Në Kaçanik Besim Ilazi nga PDK-ja dhe Basri Kodra nga VV

Në Klinë Sali Bashota nga PDK dhe Zenun Elezaj nga AAK

Në Kamenicë Qëndron Kastrati nga Vetëvendosja dhe Shaip Surdulli nga LDK-ja

Në Mitrovicë e Jugut Valdete Idrizi nga PDK-ja dhe Agim Bahtiri nga AKR-ja

Në Obiliq Xhafer Gashi i AAK-së dhe Mehmet Krasniqi i LDK-së

Në Rahovec Smajl Latifi nga AAK-ja dhe Idriz Vehapi nga PDK-ja`

Në Podujevë Agim Veliu nga LDK-ja dhe Ajet Potera nga Vetëvendosje

Në Prizren Shaqir Totaj nga PDK-ja dhe Mytaher Haskuka nga Vetëvendosje

Në Shtime Naim Ismajli i PDK-së dhe Fatmir Rashiti – kandidat i pavarur

Në Suharekë Bali Muahrremaj i AAK-së dhe Sali Asllanaj nga LDK

Në Ferizaj Agim Aliu nga PDK dhe Muharrem Svarqa nga LDK

Në Vushtrri Ferit Idrizi nga PDK dhe Xhafer Tahiri nga LDK

Në Kllokot Strahinja Spaciq dhe Bozidar Dejanoviq

Në Malishevë Ragip Begaj nga Nisma dhe Mursel Gashi nga PDK-ja

Kalendari

Ngjarjet e datës 20 tetor 2018 - Kryeministri Ramush Haradinaj pret në takim ministrin e Punëve të Jashtme të Turqisë, Mevlut Çavusoglu. (Ndërtesa e Qeverisë, ora 9:00)

- Oda e Fizioterapeutëve të Kosovë organizon ditë e dytë të Kongresit e I-rë Ndërkombëtar të  Fizioterapisë në Kosovë. (Hotel Emerald, ora 10:00)

- Aleanca Franceze e Prishtinës mirëpret një ekspozitë me titull "Studio Alix: një shekull fotografi të Pireneve", e propozuar nga shoqata franceze "Écrits de lumière". (Aleanca Franceze në Prishtinë, rruga Lah Nimani, ora 11:00)

- Zëvendëskryeministri i Kosovës, Fatmir Limaj, merr pjesë në vënien e gurthemelit të Qendrës së Banimit Social në Malishevë. (Lagjja Mirëdita në Malishevë, ora 14:00)

- Kryeministri Ramush Haradinaj merr pjesë në përurimin e fillimit të punimeve të sheshit të Obiliqit. (Qendra e qytetit në Obiliq, ora 14:00)

- Kryetari i Nismës Socialdemokrate, Fatmir Limaj, mban nesër (e shtune) takim me strukturat drejtuese të degëve të Nismës në Malishevë, Suharekë dhe Rahovec. (Restaurant Bimi 3 në Malishevë, ora 15:00)

- Kuratori i ekspozitës, fotografi francez Loïc Chauvin, specialist i fotografisë shqiptare, do të organizojë një masterclass rreth historisë së fotografisë shqiptare për studentët dhe fotografët. (Kino Armata, ora 16:00)

- Në edicionin e Festivalit Ballkanik të pjekjes dhe promovimit të rakisë, 'Rakia Fest', mbahet tribunë shkencore 'Rakia si mundësi e rritjes se mireqenjes se ekonomive familjare në viset e pasura me pemë. Investimet në funksion të joshjes së popu tës rurale për prodhimin artizanal të rakisë'. (Etnokompleksit të fshatit Kukaj, ora 12:00)