11 Korrik 2020

Sot në Prizren nis samiti ballkanik

SHBA, 25 qershor - Presidenca e Kosovës i ka bërë të gjitha përgatitjet për pritjen e liderëve të shteteve të rajonit, të cilët do të marrin pjesë në Samitin e Presidentëve në Prizren nga 25 deri më 27 qershor.

Në kuadër të takimeve tashmë tradicionale të Presidentëve të rajonit, kësaj radhe nën organizimin e presidencës së Republikës së Kosovës do të mbahet Samiti në Prevallë të Prizrenit.

Zëdhënësi i Presidentit Sejdiu, Xhavit Beqiri ka thënë se janë bërë të gjitha përgatitjet për fillimin e këtij takimi. Në të janë ftuar dhe kanë konfirmuar pjesëmarrjen: Presidenti i Shqipërisë, Bamir Topi; ai i Maqedonisë, Georgi Ivanov dhe Presidenti i Malit të Zi, Filip Vujanoviq.

Dy takimet e para janë zhvilluar në Vlorë të Shqipërisë dhe në Ohër të Maqedonisë.

Temë kryesore e Samitit të Prizrenit do të jetë bashkëpunimi ndërajonal.

Në këtë samit, që do të zgjasë deri më 27 qershor, do të diskutohet kryesisht për bashkëpunimin rajonal.

Kalendari

Ngjarjet e datës 11 Korrik 2020

- Në Ditën Botërore të Popullsisë, organizata SIT, organizon aktivitetin ku do të prezantojë statistikat e rasteve të raportimit të dhunës në Kosovë gjatë pandemisë COVID-19. (Sheshi "Zahir Pajaziti" në Prishtinë, ora 9:00)

 - Aktivistë të shoqërisë civile organizojnë aksionin simbolik për të kërkuar drejtësi për Kujtimin pasi qe po bëhen 1 vit prej kur 11 vjeçari nga Fushë Kosova, u përdhunua e u vra.  (Përpara Këshillit Prokurorial të Kosovës në Prishtinë, ora 11:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë transmetimin live të ceremonisë komemorative në Srebrenicë. (Qendra Kulturore Informative Boshnjake - Rr. Agim Ramadani, nr. 375 - Aktash, ora 12:00)

- Me rastin e 25 vjetorit të gjenocidit në Srebrenicë mbahet ligjëratë "25 vjet pas gjenocidit në Srebrenicë" me ligjërues Akademik Ferid Muhić Moderator dhe bashkëbisedues Bekim Blakaj - Drejtor Ekzekutiv i Fondit për të Drejtën Humanitare në Kosovë. (Livestream në Facebook - Humanitarian Law Center, ora 15:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë shfaqjen e ekspozitës multimediale “Gjenocidi në tetë akte”. (Sheshi Skënderbeu, ora 17:30)

- - Me rastin e 25 vjetorit të gjenocidit në Srebrenicë bahet aksion simbolik: Ndezje e qirinjëve para Teatrit Kombëtar të Kosovës. (Para Teatrit Kombëtar të Kosovës, ora 20:00)