20 Janar 2021

Shqyrtohet projektligji për drejtat e ish-të burgosurve politikë

Prishtinë, 25 tetor - Në mbledhja e Komisionit për Legjislacion dhe Gjyqësi, komisioni përkrahu një varg projektligjesh me amendamente të komisioneve funksionale. U shqyrtuan propozim-amendamentet e grupit të punës në Projektligjin për të drejtat e ish-të burgosurve politikë.

Komisioni, në këtë mbledhje, të udhëhequr nga kryetari Bahri Hyseni, konstatoi se raportet me amendamente të komisioneve funksionale në Projektligjin për ndryshimin dhe plotësimin e Ligjit për protokollin e shtetit të Republikës së Kosovës, në Projektligjin për pajisje me armë, municion dhe pajisje përkatëse të sigurisë për institucionet e autorizuara shtetërore për siguri, në Projektligjin për metrologjinë, në Projektligjin për ndryshimin dhe plotësimin e Ligjit për shpronësimin e pronës së paluajtshme, si dhe në atë për tregtinë e mallrave strategjike, janë në harmoni me Kushtetutën dhe aktet e tjera ligjore në fuqi, duke i proceduar për në instanca të tjera të Kuvendit.

Anëtarët e komisionit i trajtuan gjerësisht propozim-amendamentet e grupit të punës në Projektligjin për të drejtat e ish-të burgosurve politikë, në përpjekje për ta bërë sa më funksional projektligjin, hartimi i të cilit vjen si iniciativë për ta rregulluar statusin dhe përcaktuar të drejtat e kësaj kategorie të shoqërisë së Kosovës.

Tutje, u shqyrtua kërkesa e grupit joformal të grave të Komunës së Fushë – Kosovës për zgjatjen e pushimit të lehonisë në 12 muaj dhe u dakordua që rreth kësaj çështje të pritet rekomandimi i komisionit funksional në Projektligjin e Punës.

Komisioni shqyrtoi propozimin për anëtarë të Këshillit Gjyqësor të Kosovës dhe konstatoi se anëtarët e propozuar i plotësojnë kushtet për tu emëruar. U vendos që Kuvendit të Kosovës t’i paraqitet rekomandimi për tu emëruar anëtarë të Këshillit Gjyqësor, këta kandidatë: Ibrahim Dobruna, Shadije Murat Gërguri dhe Miodrag Paviq.
 

Kalendari

Ngjarjet e datës 20 Dhjetor 2020

- Mbahet seanca e parë gjyqësore me rastin e padisë për diskriminim të qytetarit me aftësi të kufizuar, Faruk Kukaj ndaj komunës së Prishtinës. (Gjykata Themelore e Prishtinës, ora 9:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë Komunale të Arsimit, Xhemile Thaçi Vezgishi, do të bëjnë përurimin e sallës së edukatës fizike në shkollën “Dy Dëshmorët e Zhurit”. (Fshati Zhur, ora 10:00 - nisja nga Shtëpia e Bardhë, ora 9:20)

- Mbahet seanca gjyqësore ndaj të pandehurit Brahim Krusha për Keqpërdorimi seksual te personave nen moshën 16 vjeçare. (Gjykata Themelore në Ferizaj, Salla nr.II, ora 9:30)

- Shoqata "Miqtë e Amerikës" organizon me moton "E para SHBA-ja" ku do të festohet inaugurimi i Presidentit të 59 të SHBA-ve Joe Biden dhe zëvëndes Presidentës Kamala Harris. (Restauranti "Liburnia" në Prishtinë, ora 12:00)   

- Mbahet seanca gjyqësore ndaj të pandehurit Albert Ramadni për çështjen penale të vrasjes së rëndë. (Gjykata Themelore në Ferizaj, ora 9:30)

- Mbahet seanca për rastin e ish-drejtorit të Policisë, Rashit Qalaj. (Gjykata Themelore në Pallatinë e Drejtësisë, 13:30)

- Kryeministri në detyrë, Avdullah Hoti, viziton Qendrën Rekreative Sportive në Brezovicë. (Brezovicë, ora 14:00)

- Kryeministri në detyrë, Avdullah Hoti, takon bizneset e udhëhequra nga gratë në Komunën e Shtërpcës. (Hoteli “THE ROCK”, Shtërpcë, ora 16:00)