11 Korrik 2020

Sekretari i Jashtëm William Hague i shkruan Ministrit Hyseni

Prishtinë, 25 maj - Në përgjigje të letrës së urimit që Ministri i Punëve të Jashtme i Republikës së Kosovës, Skender Hyseni i kishte dërguar me rastin e emërimit në postin e Sekretarit të Jashtëm, Sekretari i Jashtëm Britanik William Hague, i ka shkruar Ministrit Hyseni, duke e siguruar atë për angazhimin e vazhdueshëm në përkrahje të Republikës së Kosovës.  

Gjatë  muajve të ardhshëm do të shohim mundësi të mëdha për të konsoliduar më tej pozitën e Kosovës në  skenën ndërkombëtare, thuhet mes tjerash në letër, për të vazhduar me zotimin se, “Britania e Madhe mbetet përkrahëse e përkushtuar e ambicieve të Kosovës për anëtarësim në BE dhe NATO.

Argumentet më të fuqishme për këtë vijnë nga dëshmimi i Kosovës në zbatimin e masave që ju sjellin më afër standardeve të BE-së. Ju inkurajoj që të mbani përqendrimin tuaj në sigurimin e vlerësimit pozitiv në raportin e progresit të Komisionit Evropian, i cili do të vijë në vjeshtë”. 

“Ju siguroj se Mbretëria e Bashkuar do të vazhdojë të punojë për shtimin e njohjes ndërkombëtare të Kosovës dhe për të përkrahur anëtarësimin në organizatat ndërkombëtare siç është BERZH-i”, thuhet më tej në letrën e Sekretarit Hague drejtuar Ministrit Hyseni, për të përfunduar: “me kënaqësi pres t’ju takoj sërish në takimin BE- Ballkani Perëndimor në Sarajevë me 2 qershor”.  

Kalendari

Ngjarjet e datës 11 Korrik 2020

- Në Ditën Botërore të Popullsisë, organizata SIT, organizon aktivitetin ku do të prezantojë statistikat e rasteve të raportimit të dhunës në Kosovë gjatë pandemisë COVID-19. (Sheshi "Zahir Pajaziti" në Prishtinë, ora 9:00)

 - Aktivistë të shoqërisë civile organizojnë aksionin simbolik për të kërkuar drejtësi për Kujtimin pasi qe po bëhen 1 vit prej kur 11 vjeçari nga Fushë Kosova, u përdhunua e u vra.  (Përpara Këshillit Prokurorial të Kosovës në Prishtinë, ora 11:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë transmetimin live të ceremonisë komemorative në Srebrenicë. (Qendra Kulturore Informative Boshnjake - Rr. Agim Ramadani, nr. 375 - Aktash, ora 12:00)

- Me rastin e 25 vjetorit të gjenocidit në Srebrenicë mbahet ligjëratë "25 vjet pas gjenocidit në Srebrenicë" me ligjërues Akademik Ferid Muhić Moderator dhe bashkëbisedues Bekim Blakaj - Drejtor Ekzekutiv i Fondit për të Drejtën Humanitare në Kosovë. (Livestream në Facebook - Humanitarian Law Center, ora 15:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë shfaqjen e ekspozitës multimediale “Gjenocidi në tetë akte”. (Sheshi Skënderbeu, ora 17:30)

- - Me rastin e 25 vjetorit të gjenocidit në Srebrenicë bahet aksion simbolik: Ndezje e qirinjëve para Teatrit Kombëtar të Kosovës. (Para Teatrit Kombëtar të Kosovës, ora 20:00)