29 Mars 2024

Raporti për Kosovën: Stagnim i Agjendës Evropiane

Prishtinë, 7 tetor - Demokraci Plus vlerëson se raporti për Shtetin për vitin 2020, ngjashëm sikur herave të kaluara, po shërben më shumë si rikujtim ndaj qeverisë për reformat që duhet të ndërmerr tash e sa vite në mënyrë që vendi të lëviz drejtë Integrimit në Bashkimin Evropian.

Në përgjithësi, raporti evidenton progres të limituar në implementimin e Agjendës për Reforma Evropiane dhe të Marrëveshjes së Stabilizim Asociimit.

Raporti vëren se situata politike e paqëndrushme e pasuar me dy palë zgjedhje të hershme legjislative janë dëshmia më e mirë e mungesës së vullnetit politik dhe paaftësisë së qeverisë për të lëvizë reformat e procesit të integrimit.

Raporti evidenton një parlament jo-funksional në kontekst të mungesës së kuorumit për vendimarrje dhe një parlament të paaftë për të monitoruar dhe kontrolluar punën e qeverisë.

Në përgjithësi raporti thekson se Kosova mbetet në fazë të hershme të përgatitjes, konkretisht në shkallën një (1) nga pesë (5) ekzistueset, për marrjen e detyrimeve të anëtarësimit. Ky vlerësim shpërfaq stagnim të agjendës Evropiane.

Po ashtu, raporti rithekson nevojën urgjente për arritjen e një marrëveshjeje gjithëpërfshirëse dhe ligjërisht të detyrueshme me Serbinë në mënyrë që vendi të avancojë drejt Integrimit Evropian.

Demokraci Plus rekomandon Qeverinë e Kosovës që të mos neglizhojë të gjeturat e raportit të shtetit, por të prioritizojë reformat kyçe të procesit të integrimit.

Qeveria e Kosovës duhet që seriozisht të adresojë të gjitha ngecjet e evidentuara në raport të shtetit dhe të përgatisë një plan veprimi i cili pasqyron reformat kryesore që kërkojnë ndërhyrje urgjente në rrugën e integrimit evropian.

Rikujtojmë Qeverinë e Kosovës se vetëm një lexim i drejtë i raportit dhe prioritizimi politik i reformave përmes një plani të veprimit që derivojnë nga ky raport mund t'i shërbej Kosovës pozitivsht në rrugëtimin e saj drejt BE-së.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)