03 Dhjetor 2020

Qeveria duhet të tregoj me shumë kujdes për grupet e margjinalizuara

Prishtinë, 16 nëntor - Këshilli për Mbrojtjen e të Drejtave dhe Lirive të Njeriut (KMDLNj) ka vlerësuar se për shkak të përkeqësimit të gjendjes ekonomike, sociale dhe shëndetësore të shkaktuar nga COVID-19, një pjesë e madhe e qytetarëve të Kosovës janë vënë afër pragut ekzistencial me tendencë që varfërimi i skajshëm të përfshijë një numër edhe më të madh.

KMDLNJ vlerëson së grupet e cenueshme, sikur të moshuarit, të sëmurët me sëmundje kronike, kategoritë e skemës sociale janë në gjendje të rëndë.

Edhe kategoritë e dala nga lufta sipas KMDLNj-së nuk janë aspak në gjendje të mirë. Viktimat e dhunës seksuale gjatë luftës së fundit vuajnë nga një mungesë e përkujdesjes së shtuar e që reflekton në përkeqësim të gjendjes ekonomike sikur edhe thellim të vuajtjeve shpirtërore.

Shteti sipas KMDLNj-së duhet të tregojë kujdes të shtuar, për aq sa ka mundësi për personat e hendikepuar dhe personat që janë të privuar nga liria.

Sipas informatave të KMDLNj-së nga terreni, pjesëtarët e komunitetit romë janë në gjendje shumë të rëndë materiale për shkak të papunësisë së madhe dhe diskriminimit që iu është bërë më herët në këtë aspekt e që është arsyetuar me mungesën e shkollimit ndonëse numri i të punësuarve romë ka qenë simbolikë edhe aty ku nuk ishte kërkuar ndonjë kualifikim profesional.

Me masat kufizuese edhe ato punë që i kanë bërë si mbledhja e kanaçeve, shisheve të plastikës , hekurishtave dhe materialeve të reciklueshme është vështirësuar shumë. Edhe komuniteti ashkalinj dhe egjiptas janë të prekur nga varfërimi që po ndikon nê kualitetin e jetës së tyre.

Në këtë kontekst në të cilin dikush po jeton e dikush po bënë përpjekje të mbijeton e që ka gjasa përkeqësimi, qeveria e Kosovës duhet të  ndihmojë pjesëtarët e grupeve të margjinalizuara duke i liruar, qoftë edhe për një afat të caktuar nga pagesa e detyrimeve dhe shërbimeve komunake si rryma, uji, mbeturinat, ngrohja etj.,aq më parë që pjesëtarët e komunitetit serbë nuk i paguajnë këto detyrime ndonëse kanë mundësi materiale shumë më të mëdha se komunitetet e margjinalizuara e që janë identifikuar nga KMDLNj-ë.

Pasi jemi në prag të dimrit , qeveria e Kosovës, përmes qeverive lokale duhet t'i furnizojë me dru dhe lëndë tjera djegëse sikur edhe të sigurojë gjëra të domosdoshme ushqimore dhe higjienike.

KMDLNj është thellësisht i brengosur që këto grupe të margjinalizuara, me një paqëndrueshmëri të madhe ekonomike dhe thuaja të pamundësuar për një integrim social nuk furnizohen falas me mjete mbrojtëse kundër infektimit me COVID-19 dhe se nuk iu nënshtrohen testimit falas në kohë kur ata kanë nevojë.

KMDLNj thërret qeverinë e Kosovës të intervenojë shpejt në mënyrë që grupet e margjinalizuara të mos privohen nga të drejtat që iu takojnë e që deri më tani nuk ka qenë krejtësisht në përputhje me standardet, qoftë edhe minimale për respektimin e të drejtave të njeriut.

Në veçanti KMDLNj thërret institucionet e Kosovës të ndalin proceset e përmbarimit për individë që nuk kanë asnjë mundësi t'i shlyejnë detyrimete mëparshme. 

Kalendari

Ngjarjet e datës 3 Dhjetor 2020

- Me rastin e Ditës Ndërkombëtare të Personave me Aftësi të Kufizuara, Handikos mban konferencën lansuese të Raportit vlerësues mbi qasshmërinë e fëmijëve me aftësi të kufizuara në ndërtesat shkollore të nivelit fillor dhe të mesëm të ulët në Kosovë. (Qendra e Resurseve të Handikos në Veternik, ora 9:30)

- Gjykata Themelore në Ferizaj mban seancën kundër të pandehurit Ibrahim Mustafa Keqpërdorimi i pozitës apo autoritetit zyrtar. (Gjykata Themelore në Ferizaj, ora 9:30)

- Kuvendi i Kosovës mban seancë te veçantë në të cilën do të mbahet debat parlamentar për gjendjen e të drejtave të personave me aftësi të kufizuara në Republikën e Kosovës. (Kuvendi i Kosovës, ora 10:00)

-  Komisioni për Integrim Evropian shqyrton Projektligjin për rimëkëmbjen ekonomike – COVID-19, me amendamentet e Komisionit funksional nga aspekti i përputhshmërisë me legjislacionin e BE-së. (Ndërtesa e Kuvendit, salla N302, ora 10:00)

-  Komisioni për të Drejtat dhe Interesat e Komuniteteve dhe Kthim shqyrton Projektligjin për Rimëkëmbjen Ekonomike - COVID-19, me raport amendamente të Komisionit funksional për Buxhet dhe Transfere. (Ndërtesa e Kuvendit, salla N303 Koha: 10:00  

- Për nder të Ditës Ndërkombëtarë për Personat me Nevoja të Veçanta, ushtruesja e detyres Presidentja, dr.Vjosa Osmani bashkërisht me ambasadorin Britanik, Nicholas Abbott dhe ministrin e Arsimit, Ramë Likaj  nënshkruajnë panon e zotimit për gjithëpërfshirje. Oborri i Kuvendit të Republikës së Kosovës (hyrja nga sheshi, ora 11:30)

- OJQ EC Ma Ndryshe organizon aktivitetet ndërgjegjësuese që ka qëllim të përcjell porosinë vetëdijësuese për eliminimin e pengesave që janë krijuar për shkak të mungesës së gjithëpërfshirjes. (Parku i Qytet në Prizren, ora 11:00 - Keji përballë xhamisë së “Sinan Pashës”, ora 12:00 - Marash, ora 13:00)