24 Shtator 2020

Puna dhe angazhimi i presidentit Rugova jeton gjithnjë

Prishtinë, 21 janar - Kryeministri në detyrë i Republikës së Kosovës, Ramush Haradinaj, bëri sot homazhe te varri i presidenti historik, Ibrahim Rugova, në 14- vjetorin e vdekjes së tij.

Kryeministri në detyrë Haradinaj tha se në këtë përvjetor, nderojnë veprën e presidentit Rugova dhe se momenti i ndarjes së tij nga jeta, zgjoi të gjithë popullin në këmbë.

“Sot bëmë homazhe në përvjetorin e ndarjes nga jeta të presidentit historik doktor Ibrahim Rugova të nderojmë në emër të institucioneve të Kosovës, por edhe si njerëz dhe bashkëpunëtorë veprën e tij, por  edhe momentin e ndarjes, një moment që e mbaj në mend gjithë jetën dhe që ka zgjuar gjithë popullin dhe një nderim i jashtëzakonshëm i popullit të Kosovës, i të gjithë miqve”, u shpreh kryeministri në detyrë Haradinaj.

Në fjalën e tij para mediave, kryeministri në detyrë Haradinaj theksoi se Kosovën e presin shumë sfida por puna dhe angazhimi i presidentit Rugova jeton gjithnjë.

Kalendari

Ngjarjet e datës 24 Shtator 2020

- Ministrja e Kulturës, Rinisë dhe Sportit, Vlora Dumoshi viziton Komunën e Ferizajt. (Objekti i Komunës Ferizaj, ora 9:30)

- Në kuadër të Javës së sporti, Federata e Pingpongut në bashkëpunim me Departamentin e sportit të MKRS do të organizoj një aktivitet promovues për pingpongun në Pejë. (Sheshi Dukagjini në Pejë, ora 10:00)

 - Ministrja e Kulturës, Rinisë dhe Sportit, Vlora Dumoshi viziton Mural Fest. (Muralet e qytetit në Ferizaj, ora 10:00)

- Komuna e Prizrenit fillon projektin e Drejtorisë së Shëndetësisë për Kujdesin Geriatrik me ç'rast kryetari i Komunës së Prizrenit, Mytaher Haskuka, nënkryetari i Komunës së Prizrenit, Visar Shehu dhe drejtoresha e Drejtorisë së Shëndetësisë, Narqize Arënliu Hoxhaj do të prononcohen për media. (Nisja do të bëhet nga objekti i Qendrës Kryesore të Mjekësisë Familjare, ora 10:00)

- Mbledhja e komisionit për Shëndetësi dhe Mirëqenie Sociale në të cilën do të shqyrtohet plani i punës së Komisionit për sesionin vjeshtor 2020. (Ndërtesa e Kuvendit, salla N10, ora 10:30)

 - Ministrja e Kulturës, Rinisë dhe Sportit, Vlora Dumoshi merr pjesë në ndarjen e certifikatave për të rinj të trajnuar për ndërmarrësi. (Qendra e Inovacionit në Ferizaj, ora 11:00)

- Zëvendësguvernatori për Mbikëqyrje Financiare, Sokol Havolli dhe Kryetari i Autoritetit Kosovar të Konkurrencës, Valon Prestreshi mbajnë konferencën për media. (Auditoriumi i BQK-së, ora 11:30)

-  Mbahet mbledhja e komisionit për të Drejtat e Njeriut, Barazi Gjinore, për Persona të Pagjetur dhe Peticione në të cilën do të shqyrtohet Projektligji për mbrojtje nga dhuna në familje. (Ndërtesa e Kuvendit, salla N302, ora 13:00)
 
 - Ministrja e Kulturës, Rinisë dhe Sportit, Vlora Dumoshi merr pjesë në aktivitet me misionin e OSBE-së. (Muzeu i Kosovës, ora 14:00)