18 Janar 2021

Projektligjit për të pagjeturit është stërzgjatur

Prishtinë, 12 tetor - Në kuadër të angazhimit për nxjerrjen e një ligjit sa më adekuat konform rrethanave në Kosovë, Komisioni për të Drejtat e Njeriut, Barazi Gjinore, Persona të Pagjetur dhe Peticione i Kuvendit të Republikës së Kosovës, organizoi Tryezë Pune, për të debatuar rreth Projektligjit për persona të zhdukur.

Tryeza zhvilloi punimet nën kryesimin e kryetarit të Komisionit, Fatmir Rexhepi. Përveç anëtarëve të komisionit, morën pjesë edhe përfaqësues të Komisionit Qeveritarë për Persona të Pagjetur, EULEX-it, Këshilli të Asociacionit të familjeve të të zhdukurve, përfaqësues të shoqatës Thirrjet e Nënave dhe Zëri i Prindërve, OSBE-së dhe  KMDLNJ-së.

Rexhepi tha se qëllimi i kësaj tryeze  është të shqyrtohet Projektligji për persona të zhdukur, dhe me anë të dispozitave ligjore, të krijohen mekanizma adekuat për mbrojtjen dhe  mbështetjen e kësaj kategorie.

“Është në nderin dhe interesin tonë të ndërtojmë bazë ligjore adekuate në pajtim me Konventat Ndërkombëtare për këtë kategori”, tha kryetari i Komisionit, Rexhepi. Në vijim, Rexhepi  shprehu besimin  se kjo tryezë pune do të ndikojë në  nxjerrjen  e rekomandimeve, të cilat do të ndihmonin që të kemi një Ligj të mirë për Persona të pagjetur.

Në vijim të debatit, përfaqësuesi i Këshillit të Asociacionit të familjeve të të zhdukurve, Haki Kosumi, duke bërë vlerësimin e Projektligjit vuri në pah se kompletimi i Projejektligjit është stërzgjatur, dhe dallon shumë nga versioni i parë e që ishte propozuar nga asociacioni që ai përfaqëson. Ai në vijim dha edhe vërejtje tjera të cilat u përkrahën edhe nga të tjerët. Vërejtjet kishin të bënin me vlerësimin e periudhës së luftës në Kosovë, që termi konflikt, të zëvendësohet me luftë të armatosur.

Edhe përfaqësuesi i KMDLNJ-së, Behxhet Shala, ishte i mendimit se periudha në të cilën personat janë zhdukur duhet saktësuar më qartë dhe Projektligji duhet trajtuar në aspektin humanitarë e jo politikë. Përfaqësuesja e shoqatës Thirrjet e Nënave, Nusrete Kumnova, u shpreh se Projektligji nuk trajton njëjtë familjet e dëshmorëve dhe ato  të të zhdukurve. Po ashtu, Kumnova vuri në pah se përpos memorialit qendror për të pagjeturit, memoriale të ndërtohen edhe në komuna. Përfaqësuesit e shoqatës Zëri i Prindërve, Sheremet Ademi dhe Bajram Çerkini,  u angazhuan që Projektligji të sjellë dispozita ligjore që mundësojnë zbardhjen e fatit për të pagjeturit.

Në përmbyllje të punimeve, kryetari i Komisionit propozoi që grupit punues të Komisionit, në fazën e amendamentimit të Projektligjit ti bashkëngjiten edhe Haki Kosumi, nga Asociacioni i familjeve të të zhdukurve, Lulzim Alijaj nga Zyra e Kryeministrit, Sheremet Ademi dhe Nustrete Kumnova përfaqësues të familjeve të të zhdukurve dhe Arsim Gërgjaliu nga departamenti i mjekësisë ligjore.


 

Kalendari

Ngjarjet e datës 18 Dhjetor 2020

- Ministria e Punëve të Brendshme bën përurimin e aneks-objektit të Agjencisë së Kosovës për Forenzikë. (Objekti i Agjencisë, që gjendet afër ish-fabrikës së amortizatorëve, ora 9:30)

- Mbahet seanca gjyqesore ndaj te pandehures Mimoza Pajaziti. (Gjykata Themelore në Ferizaj, Salla nr.II, ora 9:30)

- Me rastin e fillimit të gjysëmvjetorit të dytë të vitit shkollor kryetari i Komunës së Prizrenit, Mytaher Haskuka dhe drejtoresha e Drejtorisë Komunale të Arsimit, Xhemile Thaçi Vezgishi, do të vizitojnë shkollën fillore "Lekë Dukagjini" dhe Gjimnazin "Remzi Ademaj", ora 10:00. (Nisja e organizuar nga Shtëpia e Bardhë, ora 9:40)

- Këshilli Prokurorial i Kosovës mban takimin e 193-të në të cilin pritet të votohet për Kryesuesin dhe Zëvendëskryesuesin e ri të Këshillit Prokurorial të Kosovës. (Online, ora 10:00)

- Mbahet seanca gjyqesore ndaj te pandehurit Emin Stublla për vrasje në tentativë. (Gjykata Themelore në Ferizaj, Salla nr.II, ora 10:00)

- Ministri në detyrë i Drejtësisë, Selim Selimi do të mbajë konferencë për media. (Holli i Ministrisë së Drejtësisë, ora 11:00)

- Ministrja e Kulturës, Rinisë dhe Sportit, Vlora Dumoshi do të ndajë çmimin vjetor “Anton Çetta”. (Ambientet e Bibliotekës Kombëtare të Kosovës, ora 11:00)

- Kryeministri në detyrë, Avdullah Hoti, merr pjesë në Inaugurimin e shkollës “Dëshmorët e kombit” në fshatin Dobresh të Komunës së Vitisë. (Dobresh, Komuna e Vitisë, ora 14:00)

- Aleanca për Ardhmërinë e Kosovës, prezenton Programin Zgjedhor 2021-2025. (Biblioteka Kombëtare, ora 15:00)