28 Mars 2024

Presidenti Thaçi premton mbështetje për viktimat e dhunës seksuale

Prishtinë, 3 nëntor - Presidenti i vendit, Hashim Thaçi, ka pritur sot një delegacion të aktivisteve për të drejtat e viktimave të dhunës seksuale, të kryesuar nga Drejtoresha Ekzekutive e Qendrës Kosovare për Rehabilitimin e të Mbijetuarave të Torturës, Feride Rushiti.

Presidenti Thaçi u ka shprehur atyre mirënjohje për angazhimin e palodhshëm për gati dy dekada, për këtë çështje sa e ndjeshme, aq edhe humanitare, e cila meriton përkujdesje institucionale.

“U jam mirënjohës, sepse keni qenë këmbëngulëse. Falë angazhimit tuaj, tani ka filluar edhe përkujdesja institucionale”, u shpreh presidenti Thaçi.

Ndërsa, Drejtoresha Ekzekutive e Qendrës Kosovare për Rehabilitimin e të Mbijetuarave të Torturës, Feride Rushiti, theksoi se shoqëria civile ka qenë e angazhuar tërë kohën dhe falë këtij angazhimi është arritur të ndërtohet infrastruktura e nevojshme për të ofruar mbështetje për viktimat e dhunës seksuale.

“Kemi ndërtuar një mekanizëm më të drejtë, më transparent, më kredibil”, ka thënë Rushiti, duke folur për sfidën e identifikimit të viktimave dhe të masave për t’i mbështetur viktimat dhe familjet e tyre.

Presidenti Thaçi u premtoi aktivisteve për të drejtat e viktimave të dhunës seksuale se përkrahja e institucioneve asnjëherë më nuk do të mungojë.

“Do të keni përkrahjen time personale dhe institucionale”, u shpreh presidenti Thaçi.

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)