23 Shkurt 2019

Presidenti Thaçi ka pritur në takim lamtumirës ambasadorin e Suedisë

Prishtinë 4 korrik - Presidenti i Republikës së Kosovës, Hashim Thaçi ka pritur sot në një takim lamtumirës Ambasadorin e Suedisë, Henrik Nilsson.

Presidenti Thaçi ka falënderuar ambasadorin Nilsson për punën që ka bërë përgjatë mandatit të tij në forcimin e marrëdhënieve bilaterale ndërmjet dy shteteve.

“Suedia gjithmonë ka mbështetur Kosovën, sidomos në fazën e shtetndërtimit dhe forcimit të subjektivitetit ndërkombëtarë”, ka theksuar Presidenti.

Nga ana tjetër, Ambasadori i Suedisë, Henrik Nilsson ka falënderuar presidentin Thaçi për bashkëpunim, duke thënë se do të mbetet gjithmonë një mik i Kosovës.

"Suedia e përkrah të ardhëm evropiane të Kosovës dhe të tërë rajonit", u shpreh Ambasadori Nilsson.

Presidenti Thaçi shprehu kënaqësinë që në kohën kur ambasadori Nilsson shërbeu në Kosovë, Suedia ka ngritur nivelin e përfaqësimit në nivel Ambasade dhe i ka uruar atij suksese të reja në punën e tij.

 

Kalendari

Ngjarjet e datës 24 shkurt 2019 - Mbahet kampionati ekipor në pingpong Liga e Parë e Meshkujve. (Pallati i Rinisë dhe Sporteve në Prishtinë, ora 10:00)

- Komuna e Deçanit në bashkëpunim më OVL të UÇK-së, organizojnë mbledhje komemorative, me rastin e ndarjes nga jeta të ish-luftëtarit Halim Tolaj. (Salla e Asamblesë Komunale në Deçan, ora 11:00)

- Lëvizja Vetëvendosje! mban konferencë për media për çështjen e Lumbardhit në të cilën flasin nënkryetarja Fatmire Kollçaku dhe anëtari i Kryesisë në Pejë Taulant Kelmendi. (Takimi me gazetarë bëhet tek hotel "Dukagjini", ora 12:00)

 - Mbahet ceremonia e varrimit të ish-luftëtarit Halim Tolaj. (Kompleksi i Varrezave të Dëshmorëve të Kombit në fshatin Prejlep, ora 13:00)