06 Dhjetor 2021

Presidenti Thaçi do të nderojë me medaljen "Urdhri i Lirisë" presidentint Trump

Prishtinë, 18 shtator - Presidenti i Kosovës, Hashim Thaçi, i dërgoi një letër Presidentit të SHBA Donald Trump në të cilën ai e informoi atë se do të nderojë me medaljen "Urdhri i Lirisë" për rolin e tij në arritjen e një marrëveshje për normalizimin ekonomik të marrëdhënieve midis Beogradit dhe Prishtinës.

Reuters deklaron se kishte një kopje të letrës, ku theksohet se kjo është dekorata më e lartë e dhënë nga Prishtina.

Reuters raporton gjithashtu se këshilltari i sigurimit kombëtar të Trump Robert O'Brien dhe i dërguari special për dialogun midis Beogradit dhe Prishtinës Richard Grenel do të marrin "Medaljen Presidenciale të Meritës" në një ceremoni që pritet të zhvillohet në Prishtinë.

Në një letër drejtuar Trump, Thaçi shprehet se ai është "thellësisht mirënjohës për kontributin tuaj personal" për ndërmjetësimin e marrëveshjes dhe e fton Trump-in të vizitojë Kosovën.

Kalendari

Ngjarjet e datës 6 dhjetor 2021

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 11:00)

- Shërbimi Korrektues i Kosovës organizon ceremoninë e njëzetedyvjetorit të themelimit të  Shërbimit Korrektues të Kosovës. (Objekti i ish-Pallatit të Shtypit, “Rilindja”, Amfiteatri i Madh, ora 11:00)

- Mbahet ceremonia e pranim dorëzimit të detyrës të Kryetarit të Komunës së Prizrenit, Shaqir Totaj. (Shtëpia e Bardhë, ora 11:00)

- Komuna e Prishtinës prezenton hulumtimin “Vlerësimi i nevojave të familjeve të skemes sociale”, qëllimi i të cilit është paraqitja e një pasqyre të qartë të gjendjes sociale reale në Prishtinë, dhe ndërtimi i politikave për përmirësimin e gjendjes aty ku ka nevojë. (objekti i vjetër i Komunës së Prishtinës, ora 11:30)

- Gupi i iniciatives “Dikur ja sheh hajrin” të udhëhequr nga të rinjtë e Gjakovës organizojnë aktivitet sensibilizues për mungesën e hapësirave për të rinjtë në komunën e Gjakovës. (Gjakovë, ora 12:30)

- Hapet ekspozita me dokumente arkivore dhe fotografi ekskluzive nga jeta dhe vepra e Hasan Prishtinës. (Biblioteka Kombëtare, ora 15:00)

- Mbahet mbledhja e parë inaguruese e Kuvenit të Komunës së Istogut. (Salla e Kuvendit të Komunës së Istogut, ora 16:00)

- Promovohet libri “200 Këngë nga opusi muzikor i kantautorit Ilir Shaqiri” me autor Korab Shaqiri. (Salla e Përurimeve në librarinë Dukagjini në Prishtinë, ora 18:00)