11 Korrik 2020

Presidenti Sejdiu priti Lamberto Zannier

Prishtinë, 28 maj - Presidenti i Republikës së Kosovës, dr. Fatmir Sejdiu takoi sot përfaqësuesin e Sekretarit të Përgjithshëm të OKB-së në Kosovë, Lamberto Zannier.

Presidenti Sejdiu falënderoi z. Zannier për rolin e UNMIK-ut që nga vendosja e këtij misioni në Republikën e Kosovës, duke e cilësuar investimin ndërkombëtar në vendin tonë si storie të suksesshme. Ai gjithashtu përsëriti se është koha që UNMIK-u të përmbyllë gradualisht misionin e tij në vendin tonë.

Në takim, Presidenti Sejdiu foli për zhvillimet në vend, për procesin në rritje të njohjes së Republikës së Kosovës nga gjithnjë e më shumë vende, si dhe për një varg procesesh të ndërmarra në drejtim të përshpejtimit të hapave për anëtarësimin sa më të shpejtë të vendit tonë në strukturat euro-atlantike, duke punuar që në një të ardhme të afërt, me shtimin e njohjeve, Kosova të bëhet anëtare e Organizatës së Kombeve të Bashkuara, duke qenë partner i rëndësishëm për bashkëpunimin me të gjitha institucionet ndërkombëtare.
 

Kalendari

Ngjarjet e datës 11 Korrik 2020

- Në Ditën Botërore të Popullsisë, organizata SIT, organizon aktivitetin ku do të prezantojë statistikat e rasteve të raportimit të dhunës në Kosovë gjatë pandemisë COVID-19. (Sheshi "Zahir Pajaziti" në Prishtinë, ora 9:00)

 - Aktivistë të shoqërisë civile organizojnë aksionin simbolik për të kërkuar drejtësi për Kujtimin pasi qe po bëhen 1 vit prej kur 11 vjeçari nga Fushë Kosova, u përdhunua e u vra.  (Përpara Këshillit Prokurorial të Kosovës në Prishtinë, ora 11:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë transmetimin live të ceremonisë komemorative në Srebrenicë. (Qendra Kulturore Informative Boshnjake - Rr. Agim Ramadani, nr. 375 - Aktash, ora 12:00)

- Me rastin e 25 vjetorit të gjenocidit në Srebrenicë mbahet ligjëratë "25 vjet pas gjenocidit në Srebrenicë" me ligjërues Akademik Ferid Muhić Moderator dhe bashkëbisedues Bekim Blakaj - Drejtor Ekzekutiv i Fondit për të Drejtën Humanitare në Kosovë. (Livestream në Facebook - Humanitarian Law Center, ora 15:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë shfaqjen e ekspozitës multimediale “Gjenocidi në tetë akte”. (Sheshi Skënderbeu, ora 17:30)

- - Me rastin e 25 vjetorit të gjenocidit në Srebrenicë bahet aksion simbolik: Ndezje e qirinjëve para Teatrit Kombëtar të Kosovës. (Para Teatrit Kombëtar të Kosovës, ora 20:00)