26 Maj 2020

Presidenti Sejdiu merr pjesë në varrimin e Presidentit Kaczynski

Prishtinë, 17 prill - Presidenti i Republikës së Kosovës, dr. Fatmir Sejdiu ka udhëtuar për në Poloni, ku nesër do të marrë pjesë në varrimin e Presidentit të Polonisë, Shkëlqesisë së Tij Lech Kaczynski.

Presidenti polak Kaczynski ka humbur jetën tragjikisht javën e kaluar në një aksident ajror në Rusi, ku vdiqën edhe bashkëshortja e tij Maria dhe një numër i madh zyrtarësh të lartë të shtetit polak.

Duke ndarë dhembjen me popullin polak, Presidenti Sejdiu ka dërguar një telegram ngushëllimi, ndërsa gjatë javës ai është nënshkruar në librin e zisë të hapur në ambasadën e Hungarisë në Prishtinë.

Në udhëtimin në Poloni për t’i dhënë nderimet e fundit Presidenti polak Kaczynski, Presidenti Sejdiu shoqërohet nga bashkëpunëtorët e tij. 

Kalendari

Ngjarjet e datës 26 Maj 2020 - Komisioni për Integrim Evropian diskuton lidhur me përmbushjen e obligimeve të Kosovës, në procesin e liberalizimit të vizave dhe shqyrton raportin e Ministrisë së Integrimit Evropian lidhur me financimin e Kosovës nga BE-ja, në luftimin e COVID-19. (Ndërtesa e Kuvendit, N303, ora 11:00)  

- Komisioni për Shëndetësi dhe Mirëqenie Sociale takohet me Sekretarin e Ministrisë së Shëndetësisë, Naim Bardiqi. (Ndërtesa e Kuvendit, N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton Raportin Vjetor të Zyrës së Rregullatorit të Energjisë (ZRrE) për vitin 2019. (Ndërtesa e Kuvendit, salla N10, ora 11:00)

- Presidenti i vendit, Hashim Thaçi,  do ta vizitojë Oden Ekonomike të Kosovës. (Lokalet e OEK-ut, ora 11:30)

 - Kryetari i AAK-së, Ramush Haradinaj, merr pjesë në ceremoninë e zbulimit të lapidarit të dëshmorit Luan Qerimaj dhe 4 dëshmorëve tjerë, në Gllogjan. (Te vendi i quajtur Lejthia, Gllogjan, Deçan, ora 11:30)

- Instituti Demokraci për Zhvillim Sfidat dhe nevojat e nënave vetë-ushqyese në kohë (pas)pandemie”  (Përmes platformës online, Google Meet, ora 17:00 - https://forms.gle/HAxFHsHEScpDdMx99)