17 Korrik 2018

Presidenti premton përkrahje për Forumin Kosovar për Aftësi të Kufizuara

Prishtinë, 6 dhjetor - Presidenti i vendit, Hashim Thaçi, sot ka pritur një delegacion të Forumit Kosovar për Aftësi të Kufizuara të kryesuar nga kryetari Bujar Kadriu.

Presidenti Thaçi e ka vlerësuar lart përfshirjen e tetë organizatave të personave me aftësi të kufizuara në kuadër të këtij forumi.

“Të bashkuar mund të jeni shumë më të zëshëm”, u shpreh presidenti Thaçi.

Ndërsa, kryetari i Forumit Kosovar për Aftësi të Kufizuara, Bujar Kadriu, ka thënë se misioni i tyre është që t’i përfaqësojnë dhe mbrojnë sa më mirë të drejtat e personave me aftësi të kufizuara, si dhe të unifikojnë politikat dhe strategjitë e të gjitha organizatave që përfaqësojnë.

“Jemi pranuar si anëtar edhe në Forumin Evropian për Persona me Aftësi të Kufizuar (EDF) dhe kjo na jep mundësi të përfaqësojmë zërin tonë në nivel evropian”, ka thënë Kadriu.

Presidenti Thaçi u ka premtuar përkrahje institucionale dhe rritje të pjesëmarrjes aktive në shoqërinë tonë.

 

Kalendari

Ngjarjet e datës 17 Korrik 2018 - Përkujtohet 20 vjetori i rëniës se dëshmorëve të Ushtrisë Çlirimtare të Kosovës, Bashkim Kerolli dhe Adem Ademi. Te vendi i quajtur Rrasa e Zogut të kufiri Shqipëri - Kosovë, ora 10:00 - nisja behet nga fshati Polac, ora 8:00) 

- Mbahet mbledhja e Komisionit për Administratë Publike, Qeverisje Lokale dhe Media në të cilën do të shqyrtohet projektligji për lirinë e asociimit në Organizata Joqeveritare. (Ndërtesa e Kuvendit, salla N 225, ora 10:00)

- Mbahet ceremonia e inaugurimit te impiantit të trajtimit të ujërave të zeza në fshatin Mramor. (Bregu lindor i Liqenit të Badocit pranë fshatit Mramor, ora 10:00)

- Kryeministri Ramush Haradinaj pret në takim përfaqësues të projektit të GIZ-it gjerman dhe nxënës nënshkrues të peticionit për ngritjen e kapaciteteve në arsim. (Ndërtesa e Qeverisë, ora 10:30)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të shqyrtohet projektligji për Produkte të Ndërtimi. (Ndërtesa e Kuvendit, salla N 10, ora 11:00)

- Oda Ekonomike e Kosvës organizon takim me delegacionin e organizatës prestigjioze “The Heritage Foundation”. (Objekti i Odës Ekonomike të Kosovës, ora 14:00)

- Zyra e Bashkimit Evropian në Kosovë/BE, së bashku me Këshillin Gjyqësor të Kosovës, do të fillojë zyrtarisht procesin e digjitalizimit të shënimeve të dënimeve të vjetra në tërë Kosovën. (Hotel Swiss Diamond, ora 14:00)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 14:00)

- Kryeministri Ramush Haradinaj merr pjesë në ceremoninë e nënshkrimit, me rastin e blerjes së automjeteve multi funksionale ushtarake të lëvizshmërisë së lartë nga Qeveria e Kosovës për Forcën e Sigurisë së Kosovës. (Kazerma Adem Jashari në Prishtinë, ora 16:00)