11 Korrik 2020

Përfaqësuesi i Lartë i BE-së, në Kosovë

Prishtinë, 26 maj - Komandanti për Operacione Civile të Bashkimit Evropian, Kees Klompenhouwer këtë javë është duke e vizituar Kosovën. Klompenhouwer është përgjegjës për të gjitha misionet civile të BE-së nëpër botë.

Përveç takimit me Shefin e Misionit të EULEX-it dhe anëtarëve të tjerë, ai po ashtu ishte takuar edhe me Përfaqësuesin Special të Sekretarit të Përgjithshëm të Kombeve të Bashkuara, Umberto Zannier, Shefin e Zyrës Ndërlidhëse të BE-së, Renzo Daviddi sikurse edhe me disa ambasadorë. Ai ishte takuar edhe me Kryeministrin Hashim Thaçi dhe disa ministra të Qeverisë.

Sot, Klompenhouwer vizitoi Portën 1, Shtëpinë e BE-së, Gjykatën e Qarkut në Mitrovicë dhe Pikën e BE-së për Informim në pjesën veriore të Mitrovicës. Ai veçanërisht u interesua për aktivitetet e BE-së në pjesën veriore të Mitrovicës dhe ishte takuar me pjesëtarë të EULEX-it të cilët punojnë në këtë pjesë të Kosovës.

“Unë kam ardhur këtu për të marrë informacion drejtpërsëdrejti nga pjesëtarët e misionit të EULEX-it lidhur me punën e tyre dhe përparimin e arritur në pjesën veriore dhe për t’i siguruar qytetarët e të gjitha komuniteteve të kësaj pjese se BE-ja do të vazhdojë të punojë me përkushtim për të ardhmen e tyre. Objektiva jonë është të përkrahim stabilitetin, sigurinë dhe prosperitetin – që janë vlera evropiane – për të mirën e të gjithë qytetarëve të Kosovës”, tha Klompenhouwer.

Shefi i Misionit të EULEX-it shtoi se, EULEX-i ka shtuar prezencën e vet në pjesën veriore të Kosovës: “Përveç prezencës së vet të përhershme në Portën 1 dhe 31, ne tani kemi policë të cilët punojnë në të gjitha stacionet e policisë në pjesën veriore të Kosovës, ndërsa gjykatësit dhe prokurorët tanë janë vendosur në Gjykatën e Qarkut. Ne tani jemi duke e inkurajuar stafin tonë për të banuar në pjesën veriore dhe për të jetuar në mesin e komuniteteve me të cilët punojnë”, tha Yves de Kermabon.

Kalendari

Ngjarjet e datës 11 Korrik 2020

- Në Ditën Botërore të Popullsisë, organizata SIT, organizon aktivitetin ku do të prezantojë statistikat e rasteve të raportimit të dhunës në Kosovë gjatë pandemisë COVID-19. (Sheshi "Zahir Pajaziti" në Prishtinë, ora 9:00)

 - Aktivistë të shoqërisë civile organizojnë aksionin simbolik për të kërkuar drejtësi për Kujtimin pasi qe po bëhen 1 vit prej kur 11 vjeçari nga Fushë Kosova, u përdhunua e u vra.  (Përpara Këshillit Prokurorial të Kosovës në Prishtinë, ora 11:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë transmetimin live të ceremonisë komemorative në Srebrenicë. (Qendra Kulturore Informative Boshnjake - Rr. Agim Ramadani, nr. 375 - Aktash, ora 12:00)

- Me rastin e 25 vjetorit të gjenocidit në Srebrenicë mbahet ligjëratë "25 vjet pas gjenocidit në Srebrenicë" me ligjërues Akademik Ferid Muhić Moderator dhe bashkëbisedues Bekim Blakaj - Drejtor Ekzekutiv i Fondit për të Drejtën Humanitare në Kosovë. (Livestream në Facebook - Humanitarian Law Center, ora 15:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë shfaqjen e ekspozitës multimediale “Gjenocidi në tetë akte”. (Sheshi Skënderbeu, ora 17:30)

- - Me rastin e 25 vjetorit të gjenocidit në Srebrenicë bahet aksion simbolik: Ndezje e qirinjëve para Teatrit Kombëtar të Kosovës. (Para Teatrit Kombëtar të Kosovës, ora 20:00)