Prishtinë, 15 shkurt - Për nder të 12 vjetorit të Pavarësisë së Republikës së Kosovës, Shoqata "Miqtë e Amerikës", në bashkorganizim të Drejtorisë për Arsim dhe Gjimnazit "Hivzi Sulejmani" të Komunës së Fushë Kosovës organizojnë aktivitet te shtatorja e Presidentit Bill Clinton në Prishtinë.

Fillimisht gjatë këtij aktiviteti do të behët larja e platos të sheshit Bill Clinton nga ana e zjarrfikësave të Prishtinës ku do zhvillohët aktiviteti.

Me pas do te vendoset flamuri i ri dhe ngritja nga Amir Pllana drejtor i Gjimnazit "Hivzi Sulejmani", F. Kosovë.

Me pastaj Kori i grave "Nexhmije Pagarusha", e këndon këngën "O vendi im".

Po ashtu do te hapet ekspozita me fotografi me disa nga personalitetet që ndikuan që të arrihet Pavarësia e Kosovës dhe ekspozita me fotografi të vendosura në korniza. 

Aktiviteti i fundit që është parapa për sot është edhe dhurimi i flamujve të Kosovës, ShBA-ve, Britanisë së Madhe, Gjermanisë, Austrisë, qytetarëve të rastit.

Poashtu, një sasi të flamujve aktivistët e shoqatës do ua dhurojnë qytetarëve të rastit nëpër disa Komuna të Kosovës.

Në aktivitet marrin pjesë nxënësit e përzgjedhur të Gjimanzit "Hivzi Sulejmani" nga Fushë Kosova, aktivist të shoqatës e pjesmarrës të rastit.