27 Nëntor 2022

PDK vazhdon me shkelje ligjore, duke i shkaktuar dëme Komunës së Prizrenit

Prizren, 6 tetor - Sot, Lëvizja Vetëvendosje! Qendra në Prizren, ka dorëzuar kallëzim penal ndaj dy drejtorëve komunal, Çelë Lamajt, drejtor i Drejtorisë së Shërbimeve Publike dhe Islam Ukajt, drejtor i Drejtorisë së Inspektoriateve në Komunën e Prizrenit, për keqpërdorim të pozitës apo autoritetit zyrtar.

 Partia në pushtet duke mos respektuar ligjet dhe rregullat në fuqi, në maj të këtij viti kishte nisur asfaltimin e rrugës së Unazës së Parë të Qytetit të Prizrenit. Punimet kanë filluar qysh atëherë por ende nuk janë kryer në tërësi, sepse nuk kishte projekt detajues dhe leje ndërtimore, duke mos u pajisur kështu me pëlqimet dhe lejet e nevojshme, të cilat kërkohen në bazë të Ligjit për Qendrën Historike të Prizrenit dhe Ligjit për Ndërtim.

Kjo Unazë ende papërfunduar dhe në disa vende me asfalt të dëmtuar edhe pse i vendosur rishtas, ishte promovuar me pompozitet edhe nga kryetari i PDK-së, Memli Krasniqi, zyrtarë të shumë partiak të PDK-së dhe zyrtarë komunal të Komunës së Prizrenit. Kryerja e punimeve në këtë formë, në kundërshtim me ligjet, ka edhe pasoja financiare për taksapaguesit prizrenas.

Kjo tregon që PDK-ja në Prizren, nuk ka marë mësim nga vitet 2007-2017, kur kishte qeverisur me Prizrenin, por ende vazhdon avazin e vjetër duke ushtruar kompetencat lokale në kundërshtim me ligjet në fuqi. Kjo qeverisje në secilën sferë të jetës komunale po vepron në këtë formë, duke shkelur ligjet e rregulloret në fuqi, mirëpo siç e dimë kjo formë e punëve shkelë e shko sa për t’u dukur, ka shkaktuar dëme të mëdha financiare në komunën tonë.

Për shkak të këtyre, jemi të bindur që qeverisja komunale, respektivisht drejtorët në fjalë, nuk kanë respektuar ligjet në fuqi lidhur me Qendrën Historike të Prizrenit, duke dëmtuar këtë zonë të qytetit që mbrohet me ligj të veçantë.

Prandaj, Lëvizje Vetëvendosje! Qendra në Prizren, kërkon nga organet e hetuesisë të fillojnë me hetimet 

Kalendari

Ngjarjet e datës 27 nëntor 2022

- Në shënim të 110-vjetorit të Pavarësisë Shqipërisë do të mbahet mbledhje e përbashkët e Kuvendit të Republikës së Kosovës dhe Kuvendit të Republikës së Shqipërisë. (Kuvendi i Shqipërisë në Tiranë, ora 10:00)

- Me rastin e Ditës së Forcës, Ministria e Mbrojtjes dhe Forca e Sigurisë së Kosovës organizojnë “Ditën e Hapur’’ në të cilën do të marrin pjesë edhe udhëheqësit më të lartë shtetërorë, si dhe përfaqësuesit ushtarakë e diplomatikë të vendeve partnere. (Kazerma “Adem Jashari”, ora 12:00)