26 Janar 2021

Partia Fryma e Re certifikohet nga Komisioni Qendror i Zgjedhjeve

Prishtinë, 2 nëntor - Partia Fryma e Re ka marrë konfirmimin zyrtar të certifikimit nga Komisioni Qendror i Zgjedhjeve. Ky certifikim e bën këtë parti plotësisht funksionale me ligj.

Certifikimi i Partisë Fryma e Re sipas udhëheqësve te partisë vjen në një kohë shumë të vështirë për Kosovën,  pikërisht në ditën kur politika e vjetër, për interesa krejtësisht personale, e vulos papërgjegjësinë e tyre ndaj popullit të Kosovës me mocionin e mosbesimit ndaj Qeverisë.

"Veprimet që politika e vjetër ka ndërmarrë për vite me radhë, dëshmojnë se këto parti që janë në pushtet nuk ndiejnë përgjegjësi ndaj votës së qytetarit dhe janë të gatshëm ta përbuzin qytetarin, në momentin që shkelen interesat e tyre grupore dhe personale. Për më tepër, nuk ka asnjë argument për t’i justifikuar shkeljet e vazhdueshme ligjore dhe kushtetuese që bëhen nga ata."

“Certifikimi i Frymës së Re trason rrugën për zgjedhje parlamentare, ku qytetari do të ketë zgjedhje të vërtetë. Ne besojmë fuqishëm se fokusi i Frymës së Re në krijimin e vendeve të punës dhe luftës kundër korrupsionit adreson brengat e të gjithëve, e jo vetëm të disave,” tha Shpend Ahmeti.

Partia Fryma e Re fton të gjithë qytetarët e Kosovës t’i bashkangjiten Frymës së Re për të punuar bashkë në ndryshimin që na takon të gjithëve.
 

Kalendari

Ngjarjet e datës 26 Dhjetor 2020 - Punëtorët teknik  te cilët punojnë në Universitetin e Prishtinës “Hasan Prishtina” do të  protestojnë për pagën e tyre të muajit dhjetor 2020 të cilën ende nuk e kanë marr dhe për  mos  pajisje me kontratës së punës. (Para Rektoratit të UP-së”, ora 9:00)

- Kryeministri në detyrë Avdullah Hoti pret në takim përfaqësuesit e shoqatës “Down Syndrome Kosova”, SOS Fshatrave të Kosovës, OJQ “Handikos” dhe përfaqësuesit e strehimoreve të Kosovës. (Ndërtesa e Qeverisë, ora 9:00 - vetëm pamje)

- Ministrja e Punëve të Jashtme dhe Diasporës, znj.Meliza Haradinaj-Stublla dhe Ambasadorja e Francës në Kosovë, znj.Marie-Christine Butel do të nënshkruajnë një memorandum bashkëpunimi. (Ministria e Punëve të Jashtme dhe Diasporës, ora 9:00)

- Instituti GAP dhe Kosovo 2.0 organizojnë diskutim virtual me temë "Rekrutimet jo meritore në sektorin publik: a do ta ndryshojnë institucionet e reja rrethin vicioz në rreth të virtytshëm?”. (https://zoom.us/j/93876352348, ora 10:00)

- Mbahet mbledhja e Komitetit për Politikë dhe Financa në Komunën e Prizrenit. (Shtëpia e Bardhë, ora 10:00)

- Këshillit Gjyqësor të Kosovës mban mbledhjen e radhës. (Mbledhja mbahet përmes aplikacionit ZOOM, ora 10:00)

- Grupi për Studime Juridike dhe Politike organizon tryezën e diskutimit me temë “Reforma zgjedhore në Kosovë: Sa është prioritet në programet e partive politike?”. (https://zoom.us/j/92385065303, ora 10:30)

- Promovohet libri i autorit Faton Mehmetaj ''Deçani Nëpër Shekuj'' - Promovimi i Trashëgimisë  Kulturore. (Salla e Asamblesë Komunale në Deçan, ora 11:00)

- Partia Socialdemokrate do të mbaj një aktivitet afër teatrit kombëtar. (Sheshi Skënderbeu, ora 12:00)
 
- Kryeministri në detyrë Avdullah Hoti merr pjesë në Inaugurimin e Qendrës Kulturore në Vushtrri. (Shtëpia e Kulturës në Vushtrri, ora 13:00)

- Kryeministri në detyrë Avdullah Hoti takon menaxhmentin e Trepçës dhe viziton flotacionin e mineraleve. (Miniera e Trepçës- Stantërg, ora 15:00)