26 Janar 2021

Partia Demokratike e Kosovës sot mban kuvendin e V-të

Prishtinë, 24 tetor - Partia Demokratike e Kosovës sot mban kuvendin e saj të pestë të punës, ku edhe do të zgjidhet kryetari i saj i ardhshëm. Deri tani, kandidat i vetëm për kreun e partisë është kryetari aktual Hashim Thaçi.

Nënkryetari i PDK-së Enver Hoxhaj ka thënë se kuvendi gjithashtu do të zgjedhë Këshillin e ri drejtues, do të miratojë raportin e punës së partisë, ndryshimin dhe plotësimin e statusit të ri, si dhe do të miratohet edhe një deklaratë politike që do të jetë edhe platforma për mandatin e ardhshëm qeverisës.

“Nesër është një ditë e veçantë për Republikën e Kosovës dhe për Partinë Demokratike të Kosovës. Nesër Partia Demokratike e Kosovës, si partia më e madhe në vende, mban kongresin e saj të pestë. Kongresi nesër do të mbahet për shkak të një vendim i cili është marrë para pesë muajsh dhe kjo ndodh konform statusit dhe ligjeve në fuqi të Kosovës”, tha Hoxhaj.

Ai po ashtu ka bërë të ditur se deri tani kandidati i vetëm për postin e kryetarit të partisë është lideri i tashëm Hashim Thaçi. Megjithatë, Hoxhaj shpjegoi se ai që dëshiron që ta sfidojë kryetarin e tashëm Thaçi, sot duhet të mbledhë 30 nënshkrime nga delegatët për t’u kandiduar për postin më të lartë të partisë.

“Kryetari i PDK-së dhe kryeministri i Kosovës Hashim Thaçi, është lider nacional, është më i votuari në Kosovë, është lideri më vizionar që ka Kosova, dhe si i tillë do ta ketë mbështetjen e gjithë anëtarëve të PDK-së. Por i takon delegatëve nëse ka kandidatë të tjerë që të propozohen në përputhje me statusin e PDK-së, që parasheh 30 nënshkrime për t’u kandiduar”, tha Hoxhaj.

Rregullat e Komisionit Qendror të Zgjedhjeve përcaktojnë se ai subjekt politik që nuk ka mbajtur kuvendin zgjedhor brenda 36 muajsh nuk do të mund të marr pjesë në zgjedhje. 

Kalendari

Ngjarjet e datës 26 Dhjetor 2020 - Punëtorët teknik  te cilët punojnë në Universitetin e Prishtinës “Hasan Prishtina” do të  protestojnë për pagën e tyre të muajit dhjetor 2020 të cilën ende nuk e kanë marr dhe për  mos  pajisje me kontratës së punës. (Para Rektoratit të UP-së”, ora 9:00)

- Kryeministri në detyrë Avdullah Hoti pret në takim përfaqësuesit e shoqatës “Down Syndrome Kosova”, SOS Fshatrave të Kosovës, OJQ “Handikos” dhe përfaqësuesit e strehimoreve të Kosovës. (Ndërtesa e Qeverisë, ora 9:00 - vetëm pamje)

- Ministrja e Punëve të Jashtme dhe Diasporës, znj.Meliza Haradinaj-Stublla dhe Ambasadorja e Francës në Kosovë, znj.Marie-Christine Butel do të nënshkruajnë një memorandum bashkëpunimi. (Ministria e Punëve të Jashtme dhe Diasporës, ora 9:00)

- Instituti GAP dhe Kosovo 2.0 organizojnë diskutim virtual me temë "Rekrutimet jo meritore në sektorin publik: a do ta ndryshojnë institucionet e reja rrethin vicioz në rreth të virtytshëm?”. (https://zoom.us/j/93876352348, ora 10:00)

- Mbahet mbledhja e Komitetit për Politikë dhe Financa në Komunën e Prizrenit. (Shtëpia e Bardhë, ora 10:00)

- Këshillit Gjyqësor të Kosovës mban mbledhjen e radhës. (Mbledhja mbahet përmes aplikacionit ZOOM, ora 10:00)

- Grupi për Studime Juridike dhe Politike organizon tryezën e diskutimit me temë “Reforma zgjedhore në Kosovë: Sa është prioritet në programet e partive politike?”. (https://zoom.us/j/92385065303, ora 10:30)

- Promovohet libri i autorit Faton Mehmetaj ''Deçani Nëpër Shekuj'' - Promovimi i Trashëgimisë  Kulturore. (Salla e Asamblesë Komunale në Deçan, ora 11:00)

- Partia Socialdemokrate do të mbaj një aktivitet afër teatrit kombëtar. (Sheshi Skënderbeu, ora 12:00)
 
- Kryeministri në detyrë Avdullah Hoti merr pjesë në Inaugurimin e Qendrës Kulturore në Vushtrri. (Shtëpia e Kulturës në Vushtrri, ora 13:00)

- Kryeministri në detyrë Avdullah Hoti takon menaxhmentin e Trepçës dhe viziton flotacionin e mineraleve. (Miniera e Trepçës- Stantërg, ora 15:00)