28 Mars 2024

Osmani në konferencën virtuale të Rrjetit parlamentar të BB-së dhe FMN-së

Prishtinë, 24 prill - Nën organizimin e Rrjetit parlamentar të Bankës Botërore dhe Fondit Monetar Ndërkombëtar, kryetarja e Kuvendit, dr. Vjosa Osmani, në cilësinë e panelistes kryesore mori pjesë në konferencën virtuale ndërkombëtare mbi rolin e parlamenteve përgjatë pandemisë globale COVID-19. Zonja Osmani njëkohësisht është edhe anëtare e bordit të këtij rrjeti.

Në këtë konferencë, kryeparlamentarja Osmani ka diskutuar për nismën legjislative për projektligjin për parandalimin dhe luftimin e COVID-19, si dhe për të gjitha masat e tjera të ndërmarra nga Kuvendi i Kosovës, e të cilat ndërlidhen direkt me menaxhimin e pandemisë.

Në këtë kontekst, Osmani foli edhe për masat e ndërmarra nga Qeveria e vendit në luftimin dhe parandalimin e pandemisë, si për nevojat imediate të sistemit tonë shëndetësor.

Osmani poashtu ka përmendur projektet e Bankës Botërore, të cilat janë duke u realizuar në Kosovë dhe të cilat kanë ndikim direkt në luftimin e pandemisë.  

Zonja Osmani, poashtu ka folur mbi rëndësinë e zvogëlimit të dëmeve ekonomike të shkaktuara nga pandemia, si dhe rolin shumë të rëndësishëm të Bankës Botërore në ofrimin e asistencës për Republikën e Kosovës për të tejkaluar sfidat nga përballja me COVID-19.

Pjesëmarrës në konferencën virtuale parlamentare për pandeminë ishin ligjvënës e ministra nga e gjithë bota si dhe menaxhmenti i lartë i Bankës Botërore.

Qëllimi i konferencës ishte diskutimi dhe koordinimi ndërparlamentar se si të ndërmerren veprime të shpejta dhe të koordinuara për të zbutur efektet negative njerëzore dhe ekonomike të COVID-19.

Ky takim ka shërbyer si platformë për parlamentarët për të mësuar më shumë rreth pandemive, përvojave dhe praktikave më të mira të parlamenteve në mbarë botën, si dhe rolin e Grupit të Bankës Botërore në ofrimin e këshillave të politikave, asistencës teknike dhe ndihmës emergjente të përshtatura për nevojat unike të vendeve.​ 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)