09 Korrik 2020

Nis takimi i presidentëve të rajonit

Prevallë, 26 qershor - Në zonën turistike tëPrevallës, në afersi të Prizrenit do të mbahet sot takimi i presidentëve të rajonit. Presidenti i Malit të Zi, Filip Vujanoviq, dhe Presidenti i Maqedonisë, Gjorgi Ivanov kanë mbërritur dje pasdite në Prevallë, ku sot dhe nesër do të zhvillohet takim i liderëve të rajonit. Ndërsa Presidenti i Shqipërisë Bamir Topi do të arrijë sot në mëngjes.

Vujanoviq dhe Ivanov janë pritur në takime të veçanta nga nikoqiri i takimit, Presidenti i Republikës së Kosovës, dr. Fatmir Sejdiu, i cili u ka dëshiruar atyre mirëseardhje.

Kreu shqiptar i shtetit, Bamir Topi do të arrijë në zonën turistike të Prevallës sot në mëngjes, kur edhe do të nisin takimet e presidentëve të rajonit, të cilit fillimisht do të kenë një takim të përbashkët, e më pas takime individuale mes tyre.

Gjatë paradites, presidentët do të zhvillojnë takime bilaterale secili me secilin. Siç bëhet e ditur nga Zyra e Informacionit e Presidentit Sejdiu, nga Prevalla, presidentët do të shkojnë për drekë në qytetin e Prizrenit, për tu kthyer më vonë për një takim të përbashkët në Prevallë, pas së cilit, do të mbajnë edhe një konferencë të përbashkët për shtyp.

Presidenti i Malit të Zi, Vujanoviq, do të largohet nga Kosova pas kësaj konference ndërsa ai i Shqipërisë, Topi dhe i Maqedonisë, Ivanov, do të largohen të dielën. Policia në Prizren ka ndërmarrë të gjitha masat për garantimin e sigurisë në mënyrë që samiti të kalojë në mënyrën më të mirë të mundshme për sa i takon sigurisë, thotë drejtori Rajonal i Policisë, major Nexhmi Krasniqi.

”Këtu janë të angazhuar bukur një numër i madh i forcave të policisë duke filluar nga forcat speciale njësia e FIT-it, pastaj njësia e trafikut në nivel qendror dhe rajonal dhe stacioni policor në mbështetje të njësive tjera të stacioneve policore të rajonit të Prizrenit”, tha Krasniqi.

Ndërkohë, Beogradi zyrtar e cilesoi si të dështuar takimin e presidenteve të rajonit të thirrur në Prizren nga kreu i shtetit të Kosovës, Fatmir Sejdiu. Oliver Ivanovic, deklaroi së ky takim nuk mund të funksionojë, pa praninë e Presidentit të Serbisë, Boris Tadiç.
 

Kalendari

Ngjarjet e datës 9 Korrik 2020 - Mbahet mbledhja e Qeverisë së Kosovës. (Ndërtesa e Qeverisë, ora 9:00)

- Vazhdimi i seancës plenare të Kuvendit të Republikës së Kosovës në të cilën do të behët votimi dhe shqyrtimi i disa Projektligjeve për ratifikimin e Marrëveshjeve ndërkombëtare. (Salla e Kuvendit, ora 10:00)

- Komuna e Prizrenit bën përurimin e stadiumit në Sërbicë të Poshtme, projekt i realizuar nga Drejtoria për Kulturë, Rini dhe Sport ku do të jetë i pranishëm kryetari i Komunës së Prizrenit, Mytaher Haskuka dhe drejtoresha e DKRS-së, Emilija Redzepi. (Nisja do të bëhet nga Shtëpia e Bardhë në Prizren, ora 10:30)

- Vazhdimi i seancës plenare të Kuvendit të Republikës së Kosovës në të cilën do të behët  votimi i Propozim rezolutës nga Raportimi i Kryeministrit të Republikës së Kosovës dhe debati parlamentar lidhur me dialogun Kosovë - Serbi. (Salla e Kuvendit, ora 10:30)

- Në nderim të ushtarit amerikan Alexander Blake Klass, 20 vjeçar nga Willamina e Oregonit, që ka humbur jetën në një incident, që nuk kishte të bënte me veprim të armatosur, Shoqata "Miqtë e Amerikës" do ta ulin në gjysëm shtizë flamurin amerikan. (Sheshi “Bill Clinton” në Prishtinë, ora 11:00)

- Mbahet Seanca plenare e Kuvendit të Republikës së Kosovës. (Salla e Kuvendit, ora 11:00)

- OVL e UÇK-së mban protestë gjithëpopullore me moton “Në mbrojtje të Luftës Çlirimtare”. (Prishtinë dhe qytetet e tjera të Kosovës, ora 12:00)

- Lëvizja Vetëvendosje mban konferencë për media në të cilën flet Albulena Haxhiu. (Zyret e LV-së në Arbëri, ora 13:00)

- Mbahet mbledhja e jashtëzakonshme e Kuvendit Komunal të Rahovecit, në të cilën do të behët shqyrtimi dhe aprovimi i Propozim vendimit për bartjen e mjeteve nga rezervat e buxhetit komunal, nga kategoria pozicionit të pagave në kategorinë e Investimeve Kapitale. (Salla e mbledhjeve të Kuvendit Komunal në objektin e ri të komunës, ora 14:00)

Mbledhja do të mbahet në sallën e mbledhjeve të Kuvendit Komunal, në objektin e ri të komunës.

- Mbahet një takim pune i organizuar nga Ministria e Ekonomisë dhe Ambientit në të cilin do të diskutohet dokumenti - Plani Hapësinor i Parkut Kombëtar Bjeshkët e Nemuna. (Ndërtesa e re e Qeverisë ish-Rilindja, salla e konferencave, kati XVIII, ora 15:00)