15 Prill 2021

Mitrovica e kundërshton privatizimin e Hotel “Jadran”

Mitrovicë, 12 mars - Pas njoftimit për privatizimin e objektit të njohur si hotel “Jadran” në qendër të Mitrovicës, i cili që shumë vite shfrytëzohet nga biblioteka “Latif Berisha”, kryetari i komunës së Mitrovicës, Avni Kastrati, ka thirrur seancë të jashtëzakonshme të Kuvendit të Komunës për të shqyrtuar një peticion të këshillit organizativ ku kërkohet mosprivatizimi i këtij objekti. 


Kryetari Kastrati, e ka thirrur këtë seancë për të martën (16.03.2010), në mënyrë që KK-ja të del më një qëndrim për këtë çështje, duke pasur parasysh se ai objekt është shumë me rëndësi për qytetin e Mitrovicës si dhe për bibliotekën që tash menaxhohet nga komuna.
 
Pas përfshirjes së këtij objekti në procesin e privatizimit, ai pat reaguar duke vlerësuar se ajo ndërtesë është shumë e nevojshme për bibliotekën. “Biblioteka “Latif Berisha” e cila është nën menaxhim të komunës, ndërsa objekti ku është i vendosur, është shumë i përshtatshëm për të, duke qenë se është një objekt që ka edhe vlera kulturore dhe historike”.
 
Në këtë kontekst kryetari Kastrati, ju ka drejtuar edhe me kërkesë për mosprivatizim të këtij objekti drejtuesve të Agjencionit Kosovar të Privatizimit (AKP), në mënyrë që të merret parasysh edhe nevoja që ka komuna për këtë ndërtesë.

Kalendari

Ngjarjet e datës 15 Prill 2021 - Handikos dhe The Balkan Forum tashmë kanë nisur kampanjën ‘Thuaj Jo Qeseve të Plastikës’  përmes një aktiviteti simbolik zyrtarisht do të prezantojmë strajcat e ri-përdorshme të punuara tash e disa muaj nga personat me aftësi të kufizuara. (Sheshi ‘Skënderbeu’ dhe ‘Nënë Tereza’, ora 10:00)

- Këshilli Gjyqësor i Kosovës mban mbledhjen e radhes. (Platforma Zoom, ora 10:00)

- Mbahet seanca gjyqësore kundër të pandehurit Agim Hamdija për vepren penale 'Organizimi i skemave piramidale'. (Gjykata Themelore në Ferizaj, ora 10:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Qendra për Promovimin e Drejtave të Grave në Drenas, ora 10:30)

- Zëvendësministri i Mjedisit, Planifikimit Hapsinor dhe Infrastrukturës  Hysen Durmishi do të mbajë konferencë per media. (Objekti i MMPHI-së, salla B201, oa ora 10:30,

- Kryeministri Albin Kurti dhe ministrja e Ekonomisë dhe Ambientit, Artane Rizvanolli, vizitojnë ekipin e kampanjës 'Thuaj jo Qeseve të Plastikës'. (sheshi ‘Skënderbeu’ , ora 12:00)

- Pronarët e sallave të dasmave mbajnë takim lidhur me masat anti-Covid. (Golden Imperial në Veternik, ora 14:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Palestra Sportive “Tota” në Vushtrri, ora 14:30)