20 Tetor 2018

Ministrja Hoxha kërkon nga ministritë më shumë punë

Prishtinë, 13 nëntor - Nën kryesimin e Ministres për Integrim, Dhurata Hoxha, sot është mbledhur Komiteti Punues për Integrim Evropian që mbledh bartësit e përgjegjësive të institucioneve të përfshira në këtë proces.

"Ky grup punues ka për qëllim të ndihmojë procesin dhe të identifikojë sfidat nga çështjet kyçe që dalin nga obligimet e Agjendës Evropiane të Reformave", theksoi Ministrja Hoxha.

Në takim u diskutuan çështjet si: Opcionet e ligjit të ri për pagat, sipas koncept dokumentit të përgatitur, ristrukturimi i KIESA-së, ligji i ri për inspektimet, miratimi i ligjit për eficiencë të energjisë, krijimi i mekanizmit për financimin e investimeve për eficiencë të energjisë, miratimi i ligjit për arsimin e lartë si dhe themelimi i agjencisë për kurrikulë, standarde dhe vlerësim, duke dhënë kontribut përfaqësuesit e dikasterëve përkatës.

Duke folur për qëllimin e takimit, Ministrja Hoxha tha se qëllimi i këtij grupi punues është që të monitorojë implementimin e ERA, dhe u kërkoi sekretarëve të përgjithshëm të ministrive që të punojnë intensivisht për përmbushjen e obligimeve që jane pjesë e procesit integrues.

Ministrja po ashtu u ofroi përkrahjen e saj në këtë proces të gjitha Ministrive dhe u kërkoi atyre të adresojnë të gjitha sfidat dhe problemet eventuale në mënyrë që Ministrja t'i ngris në nivelin më të lartë politik.
 

Kalendari

Ngjarjet e datës 20 tetor 2018 - Kryeministri Ramush Haradinaj pret në takim ministrin e Punëve të Jashtme të Turqisë, Mevlut Çavusoglu. (Ndërtesa e Qeverisë, ora 9:00)

- Oda e Fizioterapeutëve të Kosovë organizon ditë e dytë të Kongresit e I-rë Ndërkombëtar të  Fizioterapisë në Kosovë. (Hotel Emerald, ora 10:00)

- Aleanca Franceze e Prishtinës mirëpret një ekspozitë me titull "Studio Alix: një shekull fotografi të Pireneve", e propozuar nga shoqata franceze "Écrits de lumière". (Aleanca Franceze në Prishtinë, rruga Lah Nimani, ora 11:00)

- Zëvendëskryeministri i Kosovës, Fatmir Limaj, merr pjesë në vënien e gurthemelit të Qendrës së Banimit Social në Malishevë. (Lagjja Mirëdita në Malishevë, ora 14:00)

- Kryeministri Ramush Haradinaj merr pjesë në përurimin e fillimit të punimeve të sheshit të Obiliqit. (Qendra e qytetit në Obiliq, ora 14:00)

- Kryetari i Nismës Socialdemokrate, Fatmir Limaj, mban nesër (e shtune) takim me strukturat drejtuese të degëve të Nismës në Malishevë, Suharekë dhe Rahovec. (Restaurant Bimi 3 në Malishevë, ora 15:00)

- Kuratori i ekspozitës, fotografi francez Loïc Chauvin, specialist i fotografisë shqiptare, do të organizojë një masterclass rreth historisë së fotografisë shqiptare për studentët dhe fotografët. (Kino Armata, ora 16:00)

- Në edicionin e Festivalit Ballkanik të pjekjes dhe promovimit të rakisë, 'Rakia Fest', mbahet tribunë shkencore 'Rakia si mundësi e rritjes se mireqenjes se ekonomive familjare në viset e pasura me pemë. Investimet në funksion të joshjes së popu tës rurale për prodhimin artizanal të rakisë'. (Etnokompleksit të fshatit Kukaj, ora 12:00)